藍象泰國餐廳 (已結業)

呢间泰国餐厅走高档路线，窗口位系落地玻璃，对住尖沙嘴嘅海景，环境一流！里面嘅灯光昏暗，气氛好有情调，食物卖相精致而且味道好！泰式烧春鸡最有惊喜、最意想不到地好食嘅一道菜。首先呢个鸡有好多旧，每旧都好多肉，份量好足料。个鸡烧得好好，皮好香脆，无咩太多皮下脂肪，肉又软滑！至于个汁就简直系呢度菜嘅精髓，里面有唔同香料，味道近似泰式甜酸酱味道，调得好好食，同个烧春鸡配搭个非常好！芒果软壳蟹米纸卷软壳蟹几多肉，炸得金黄香脆，而且炸粉唔多，所以层炸皮几薄，唔会俾人觉得好油腻。除左软壳蟹，里面包住粉丝、芒果、萝卜丝、生菜，食落好爽口。油松饼第一次食呢种松饼，质感好软，炸得唔算太油，味道唔错。香辣金不换猪颈肉炒饭呢个炒饭算系不过不失，洋葱、蛋、猪颈肉一齐炒，猪颈肉切成小块，肉几爽滑。炒饭几浓味，但香辣味唔算太突出，整体味道偏咸少少。黑白糯米饭配泰国芒果糯米饭除左普通个种之外，仲有紫米饭，两种嘅口感都好烟韧，饭上面分别系芒果浆同椰浆，好好食！芒果大块又甜，而朱古力雪糕上面洒左烤香嘅椰子丝同脆片，将糯米饭、芒果、雪糕几种唔同味道嘅野捞埋一齐食，真系好正！