影片
更多
2024-09-07
3481 浏览
今个礼拜同屋企人庆祝生日，紧系要食得好啲🫡，所以就去左有米之莲⭐️，瑰丽酒店入面嘅彤福轩坐低之前侍应会好细心咁为每位客人拉凳，同埋铺上餐巾，再慢慢介绍食物，服务果然系五星级👍👍柚香水晶柚皮 $168我哋首先食咗个前菜，用陈醋同柚子酱腌制过嘅柚皮酸酸甜甜，食落完全冇果皮嘅苦涩味。仲有柚皮旁边嘅意大利辣椒仔，同样腌左之后酸酸甜甜，爽口得黎一啲都唔辣老陈皮彤福拆鱼饺 $98跟住就系第一样点心，拆鱼饺用左桂花鱼嘅鱼肉整成，鱼肉食落口好有质感，唔会好似出面咁变左鱼蓉，再加上呢个咁可爱嘅卖相，简直系冇得输❤️富贵濑尿虾饺 $64/件 (两件起）濑尿虾饺系用左新鲜嘅濑尿虾原只拆肉而成，望到张相咁晶莹剔透就知道个饺皮系十分之薄，入面再配埋Q弹Q弹嘅蟹子，鲜味💯云腿瑶柱萝卜丝酥 $98唔好睇呢样点心好似好普通咁，呢到嘅萝卜丝系手切，每条都切到超级幼细，配埋少量金华火腿同瑶柱碎，味道又鲜甜又清新二十四年东甲陈皮芋蓉香酥鸭 $380黎到主菜，我哋叫左个香酥鸭，本身我自己唔太钟意陈皮有阵苦味，但廿四年嘅陈皮果然不同，完全只有陈皮香气，配埋鸭肉同芋头蓉一齐炸，酥脆得黎又中和到个油腻感五彩炒鱼面 $320呢一味系餐厅
坐低之前侍应会好细心咁为每位客人拉凳，同埋铺上餐巾，再慢慢介绍食物，服务果然系五星级👍👍
柚香水晶柚皮 $168
我哋首先食咗个前菜，用陈醋同柚子酱腌制过嘅柚皮酸酸甜甜，食落完全冇果皮嘅苦涩味。仲有柚皮旁边嘅意大利辣椒仔，同样腌左之后酸酸甜甜，爽口得黎一啲都唔辣
老陈皮彤福拆鱼饺 $98
跟住就系第一样点心，拆鱼饺用左桂花鱼嘅鱼肉整成，鱼肉食落口好有质感，唔会好似出面咁变左鱼蓉，再加上呢个咁可爱嘅卖相，简直系冇得输❤️
富贵濑尿虾饺 $64/件 (两件起）
濑尿虾饺系用左新鲜嘅濑尿虾原只拆肉而成，望到张相咁晶莹剔透就知道个饺皮系十分之薄，入面再配埋Q弹Q弹嘅蟹子，鲜味💯
云腿瑶柱萝卜丝酥 $98
唔好睇呢样点心好似好普通咁，呢到嘅萝卜丝系手切，每条都切到超级幼细，配埋少量金华火腿同瑶柱碎，味道又鲜甜又清新
二十四年东甲陈皮芋蓉香酥鸭 $380
黎到主菜，我哋叫左个香酥鸭，本身我自己唔太钟意陈皮有阵苦味，但廿四年嘅陈皮果然不同，完全只有陈皮香气，配埋鸭肉同芋头蓉一齐炸，酥脆得黎又中和到个油腻感
五彩炒鱼面 $320
呢一味系餐厅其中一道非常考功夫嘅招牌菜，全部鱼面都系用生拆桂花鱼肉手打而成，每一条都打得十分弹牙，上菜前见到师傅喺厨房入面用猛火不断翻炒，到上菜嘅时候成碟鱼面都系喷烟，认真有镬气
茶芥 $46/位
我哋叫咗龙井茶，值得一赞嘅系，侍应会喺茶包变淡之后自动自觉换过一个新嘅茶包👍
张贴
