鳥鑫

营业中

休息中

今日去返之前试过嘅呢间居酒屋，食物好味又坐得舒服。前菜先叫啲健康嘅蔬菜，有野菜条（椰菜同萝卜），配埋辣味噌酱，开胃又健康。仲叫咗日本银杏，大大粒连皮一齐烧，食落好香口。田鸡腿系我最钟意嘅串烧之一，肉质好滑，皮又香，加上少少柚子胡椒，更加香更加惹味。烟熏鹿儿岛猪腩都好好味，烟熏过令到佢嘅肉味更加浓郁，同时烧到𠮶边有少少焦香，而且肥瘦适中，少少肥啱啱好带出油脂香，上面仲有藏红花调味。鸡全翼，饱满多汁，食到好满足。免治鸡肉棒，可以点兰王鸡蛋嚟食，啖啖肉嘅鸡棒配合香浓嘅蛋香，简直令到味道升华。鸡心，比较小机会试到串烧，几好咬口。鸡生元，即系鸡嘅血管部分，第一次食，原来系咁弹牙爽口。香葱鸵鸟，肉味比一般鸡肉更加浓郁，好特别！烧翠玉瓜，烧咗之后更加多汁，真系好好食。最后仲试咗佢哋嘅烧菠萝，上菜嘅时候出晒烟，上面有焦糖，可以拔丝，好甜好好味。我仲叫佢哋嘅乌龙茶割烧酎，系一种highball，配串烧一流。