酒鍋 (天文臺道) (已結業)

天气劲冻去咗呢间酒锅打边炉。懒得拣就叫咗个全要二人餐($388/位)，有齐汤底、和牛、海鲜同其他火锅料，可以食匀咁多款嘢食，非常丰富。黄金美人非常足料嘅汤底，金黄嘅汤头，鲜味十足，而且有满满嘅骨胶原，非常滋保养颜。入面有大量胡椒猪肚，仲有花胶同鸡件，剩系汤底嘅配料已经可以食到半饱。黑毛和牛套餐包咗黑毛和牛，牛肉大大块，肉质腍嫩又品会好肥，入口肉味香浓。海鲜拼盘另外仲有重头戏嘅海鲜拼盘，有扇贝、蛏子、海虾同大蚬。海鲜类全部都够新鲜，扇贝大大只肉质鲜甜水嫩，蛏子爽口弹牙。除此之外，仲有浓郁芳香嘅黑松露虾蟹饺、鱼皮饺、手打弹牙墨鱼丸、流心滋味嘅手打芝士虾丸。蔬菜方面有娃娃菜、生菜、粟米芯、蕃茄等组成嘅杂菜篮，另外仲有招牌蜂巢豆腐，绵密嘅口感再吸收埋鲜味汤汁。Peachy Punch / Summer Delight $58@打边炉当然要叫嘢饮，呢到特别在有各式mocktail供应，好似呢款peachy punch就以lemonade做base加入提子、菠萝汁、桃糖浆等调制，饮落够清新。另一杯summer delight就以芒果汁同菠萝汁做主调，果味香浓，口感有d似smoothie。。。酒锅