影片
更多
2023-06-13
182 浏览
寻日同朋友去咗尖沙咀食晚饭，拣咗间Akoya居酒屋，听讲系一间好高质素嘅日本菜小店。到咗就见到店内装修好有日式feel，每张枱都有屏风隔住，好有私隐度。店员好有礼貌，推介咗几款是日精选菜式。三文鱼三文鱼子烧饭团 ：烧饭团外脆内软，饭粒香甜弹牙，上面铺咗三文鱼同三文鱼子，卖相精致，每一啖都食到满满嘅海洋味道。鸡汤卡邦尼拌鸟冬 ：系一款好特别嘅fusion菜式。用鸡汤代替咗平时卡邦尼嘅忌廉，鸡汤卡邦尼汁好浓郁，有芝士同烟肉嘅香气，挂住条条乌冬，好滑好入味。加埋上面嘅蛋汁同黑椒粒，更加提升咗口感同层次。肉厚活3年帆立贝 ：帆立贝加咗少少酱油、牛油及葱花一齐烧，食落真系好鲜甜，口感一流。海胆汁烧蚝：一碟有4只，蚝肉饱满胀卜卜，用铁板上有阵阵铁板烧嘅风味，再淋上鲜甜嘅海胆汁更加增添海洋风味。美国牛腹肉串 ：无筋既牛串烧，入口软嫩溶，牛味重仲带油脂香气。自家制免治鸡肉串 ：呢款通常都系食串烧必点嘅一款，软鸡肉沾上橙黄色嘅月见汁，可以增添一份蛋味，更令鸡肉串更嫩滑。提灯 ：提灯即系母鸡输卵管+未形成外壳嘅鸡蛋黄，唔系间间铺头都有，味道唔会腥或膻，有好特别嘅口感值得一试。炭火串烧拼盘6串：系厨师发办每
三文鱼三文鱼子烧饭团 ：烧饭团外脆内软，饭粒香甜弹牙，上面铺咗三文鱼同三文鱼子，卖相精致，每一啖都食到满满嘅海洋味道。
鸡汤卡邦尼拌鸟冬 ：系一款好特别嘅fusion菜式。用鸡汤代替咗平时卡邦尼嘅忌廉，鸡汤卡邦尼汁好浓郁，有芝士同烟肉嘅香气，挂住条条乌冬，好滑好入味。加埋上面嘅蛋汁同黑椒粒，更加提升咗口感同层次。
肉厚活3年帆立贝 ：帆立贝加咗少少酱油、牛油及葱花一齐烧，食落真系好鲜甜，口感一流。
海胆汁烧蚝：一碟有4只，蚝肉饱满胀卜卜，用铁板上有阵阵铁板烧嘅风味，再淋上鲜甜嘅海胆汁更加增添海洋风味。
美国牛腹肉串 ：无筋既牛串烧，入口软嫩溶，牛味重仲带油脂香气。
自家制免治鸡肉串 ：呢款通常都系食串烧必点嘅一款，软鸡肉沾上橙黄色嘅月见汁，可以增添一份蛋味，更令鸡肉串更嫩滑。
提灯 ：提灯即系母鸡输卵管+未形成外壳嘅鸡蛋黄，唔系间间铺头都有，味道唔会腥或膻，有好特别嘅口感值得一试。
炭火串烧拼盘6串：系厨师发办每日都唔同款，今日呢6串就包括咗免治鸡肉串、鸡翼、鸡心、鸡颈、青辣椒、鹌鹑蛋，而我自己最钟意就系鸡心同鸡颈，前者好有咬口，而后者鸡味好浓，仲有少少软骨好有口感。
三重县产岩蚝：呢只岩蚝劲大只，非常震撼，肉质丰厚弹牙，味道清甜无腥味。喺蚝上面加咗少少葱花，唔需要太多嘅调味，就可以食到岩蚝嘅鲜味。
自家制鸡肝酱配多士：鸡肝酱系自家用鸡肝同牛油熬制而成，质感幼滑细致，味道浓郁香甜，呢度仲会喺鸡肝酱表面做咗一层焦糖，味道更香甜，令人更容易接受，而多士系用法国包做成，烘得香脆，食嘅时候自己涂上一层厚厚嘅鸡肝酱，非常满足同邪恶。好适合同清酒或者啤酒一齐食。
明太子煎蛋卷 ：蛋卷厚身滑嫩，蛋味浓郁，而蛋卷入面嘅明太子多到爆，咸香微辣，非常惹味。
张贴
