好時沙嗲

营业中

休息中

位置超级唔方便，而且装修枱凳都比较残旧，但完全唔影响佢嘅味道，而且一啲都唔贵，所以好多打工仔食午餐。*海南鸡饭 $55海南鸡半边鸡胸半边鸡腿，鸡胸肉嚡啲，但整体肉质唔会太干。鸡肉下面亦铺满新鲜切丝生菜，鸡皮又冇甩皮。鸡油同埋皮下脂肪少，所以香味差唔少。海南鸡必点嘅三种酱汁都齐晒，姜蓉甜豉油辣汁，味道正常，点汁较浓味，唔点汁都好食。鸡汤有几块椰菜，但味道一般，似味精汤多啲。餐牌写饭系蒜蓉饭加鸡汤，但蒜味微乎其微，亦冇油饭嘅油香味，反而似鸡骨髓饭。炒贵刁 $51其实炒贵刁有啲似甜版干炒牛河，但冇牛肉，呢个有中式腊肉鸡蛋丝芽菜虾仁等等，酱汁系甜豉油，惹味够镬气，但冇餐牌上写嘅辣味。炒河粉多数都多油，呢到同样有呢个问题，食完个碟底有层油。