影片
更多
2024-02-25
18 浏览
鮨岸@尖沙咀今日同朋支一齐黎呢间尖沙咀新开既Omaske试下，呢度环境舒适，呢度主要做江户前寿司。餐厅格局同日本Omaske店一样，都系一张L型吧枱，由师傅逐件递上寿司。今次我地就拣咗十五道 （竹） $598，当中包括前菜﹑刺身四点﹑一品料理﹑寿司六点﹑江户前玉子﹑鲷鱼汤同埋甜品，都几丰富架。呢度既鱼生真系好鲜甜好味，大家可以黎一试！🟥前菜三款- 有糖醋车厘-日本菠菜渍物- 鱿鱼仔: 鱿鱼仔细细只几爽口，配埋酸酸地既汁，好味道。 🟧刺身四点- 九州池鱼：池鱼上加了柚子，带阵清新口感- 青鱼：因为鱼皮有轻轻烧过，令到鱼生有阵烧香味- 象拔蚌：象拔蚌产地系北海道，象拔蚌好爽口弹牙，非常鲜甜- 令和之怪物：蚝身肥大厚肉，食落去好满足，而且唔会有阵阵海水腥味，非常甜🟩一品料理:金雕立鳞烧师傅介绍呢条鱼系用高温反覆油炸，所以见到佢既鳞片系竖起，除左食到鱼既鲜味，仲食到外皮香脆口感 ⬜️寿司六点- 蜜柑鲷鱼：鱼生上面只加上少少蜜柑作调味，大家可以食到鱼生的鲜甜味-冰见寒𫚕：上网睇返原来冬季先会有呢个鱼，所以可以话系期间限定呢。佢既肉质紧实、脂肪比较多-柚子北海道带子：北海道带子向来系质素保证，上面加
今日同朋支一齐黎呢间尖沙咀新开既Omaske试下，呢度环境舒适，呢度主要做江户前寿司。餐厅格局同日本Omaske店一样，都系一张L型吧枱，由师傅逐件递上寿司。今次我地就拣咗十五道 （竹） $598，当中包括前菜﹑刺身四点﹑一品料理﹑寿司六点﹑江户前玉子﹑鲷鱼汤同埋甜品，都几丰富架。呢度既鱼生真系好鲜甜好味，大家可以黎一试！
🟥前菜三款
- 有糖醋车厘
-日本菠菜渍物
- 鱿鱼仔: 鱿鱼仔细细只几爽口，配埋酸酸地既汁，好味道。
🟧刺身四点
- 九州池鱼：池鱼上加了柚子，带阵清新口感
- 青鱼：因为鱼皮有轻轻烧过，令到鱼生有阵烧香味
- 象拔蚌：象拔蚌产地系北海道，象拔蚌好爽口弹牙，非常鲜甜
- 令和之怪物：蚝身肥大厚肉，食落去好满足，而且唔会有阵阵海水腥味，非常甜
🟩一品料理:金雕立鳞烧
师傅介绍呢条鱼系用高温反覆油炸，所以见到佢既鳞片系竖起，除左食到鱼既鲜味，仲食到外皮香脆口感
⬜️寿司六点
- 蜜柑鲷鱼：鱼生上面只加上少少蜜柑作调味，大家可以食到鱼生的鲜甜味
-冰见寒𫚕：上网睇返原来冬季先会有呢个鱼，所以可以话系期间限定呢。佢既肉质紧实、脂肪比较多
-柚子北海道带子：北海道带子向来系质素保证，上面加左柚子，更加鲜甜
-车海老寿司：寿司只系煮到7分熟，口感软熟，而车海老非常肥大厚肉。
-和歌山大拖罗：拖罗入口即溶，油脂满满
-赤海胆手卷：赤海胆非常鲜味，一D腥味都无，食完我都想买返盒赤海胆食呢
🟨鲷鱼汤
用左4个钟去煮鲷鱼汤，果然鱼味非常浓烈，饮完个身都暖哂
🟫江户前玉子
玉子入面有虾肉、鱼肉、鸡蛋同糖去整成，并唔系只系普通蛋气味玉子，反而食到阵阵海鲜味
🟦北海道雪葩＋雪米糍
雪葩甜又滑，而芝麻味雪米糍非常浓芝麻味，不会太甜。
📍尖沙咀海防道38-40号中达大厦13楼
张贴
