居酒屋·姫 (已結業)

今日同朋友过嚟尖沙咀食日本居酒屋，一入到去系好别致嘅日本居酒屋装修，坐咗一阵已经全间铺坐满✨估唔到食物高质价钱亦唔算太贵，喺尖沙咀想食高质居酒屋可以过嚟食。🐟严选季节特上六款刺身盛合 -我觉得最特别嘅系脑天，即系吞拿鱼头顶鼻骨个位，好重油脂香，轻轻咁样烧过好香加埋豆苗包住食啱啱好平衡到。-池鱼片加上梅子酱同埋紫苏叶一齐食，好地道嘅日式味道。-平政好厚切，口感好好。-海胆一啲都唔腥，包埋脆脆嘅紫菜食啱啱好。🍶清酒煮蚬 好香清酒味同时间亦有少少蒜蓉味，啲蚬好新鲜仲有少少海水味。🍖纽西兰羊鞍 烧得生熟度啱啱好，肉仲系好嫩，加埋芥末酱加少少黑椒盐好惹味。🍗自家制月见免治鸡 自家制嘅免治鸡肉棒加上浓香蛋黄味嘅梦王蛋，系送酒嘅好伴侣。✨手挽塩白鳗烧 白鳗肉好厚juicy，皮烧得好香脆。🍚海胆三文鱼籽釜饭 满满嘅海胆同埋三文鱼籽，饭吸收咗佢哋嘅鲜味，仲有少少饭焦，饱咗都食到一大碗。