牛匠石燒 (已結業)

最近天寒地冻，见到个个都去周围食烧烤，忍唔到口试下去牛匠石烧，减肥呢啲嘢都系留返夏天先做啦～肉类：安格斯牛小排 🐄 & 鸡颈肉 🐓牛肉非常新鲜，半肥瘦又够油脂，食落好有牛味，鸡颈肉系有惊喜，烧完肉质好滑好嫩，直头似鸡髀肉。个石板都好够热，唔会食食下冇火～烧物：盐烧完条鱿鱼🦑 & 明太子玉子烧🍳鱿鱼都够大条，爽口弹牙又入味。玉子烧其实有六件，都烧得得好滑身，同明太子酱绝配！主食：🍲汤乌冬 、味素饭、面豉汤 🍚本身惊食唔饱嗌多左饭同乌冬，乌冬系赞岐乌冬，饭捞埋个温泉蛋真系一流，可惜个乌冬唔知系咪落手重左啲，汤底咸左少少。饮品：🍇彩虹水果茶🍊&草莓乳酸🍓冇谂过两杯饮品都咁大杯，新鲜嘅水果茶正好解一解肉类嘅油腻！店舖开喺尖沙咀嘅中心处非常方便，而且肉类质素都很高，仲有好多和牛choice，服务态度不错，食左$600几蚊计返落价钱都合理既 。