南北匯

营业中

休息中

咁难得约到几个朋友一齐食饭，一定要揾间正餐厅啦；尖沙咀南北汇私房菜有私人包厢，房间有私家洗手间、长梳化同卡拉OK，好啱好友相聚，倾计食饭唱K直落😆 讲返重点美食先😋呢晚唔计前菜、甜品，一共八道菜…🔸总厨发办前菜🔸时令前菜共六款，包含甜、酸、爽、辣、脆，莲藕爽口，辣味刚好，好开胃；煎饺煎得好香脆，肉馅肉汁饱满，正！🔸星级养生汤🔸石斛虫草花炖海螺，一个字：鲜！每碗汤都好足料，猪肉煲完依然肉嫩，啖啖滋润。🔸鲍汁花胶扣鹅掌🔸花胶厚肉，口感软绵，鹅掌炆得好入味，鲍汁鲜味十足、唔会太咸。🔸培根卷大明虾樱桃芥未酱🔸我至钟意香口嘢，呢个啱晒我，大虾炸完外脆内软，炸粉做得非常好！培根卷内有大葱，感觉较清新爽口！有新鲜感！🔸甜梅莍黑䐁猪🔸卖相精致，一口方形唔油腻，口感酸甜清新🔸川味麻辣水煮鱼🔸朋友都赞辣得过瘾，鱼肉又够滑👍🏻🔸玫瑰桶子豉油鸡🔸鸡味香浓，肉质滑嫩，证明火喉控制得啱啱好👏🏻🔸鱼汤海参丝浸时蔬🔸食咗咁多肉，要食返d青菜至得🔸日本樱花虾十菜炒饭🔸樱花虾添加咗炒饭嘅口感同鲜味，好好嘅配搭，炒饭粒粒爽口，唔觉唔觉食晒成碗😆最后食埋百合红豆沙同冰冻水果，一班朋友食得满足，倾得爽，开心离场👏🏻下次再约～