影片
更多
2019-09-08
33 浏览
今日同朋友去到尖沙咀一間立食壽司店，餐廳空間唔大，大約有10個座位，全部都係吧枱。壽司店入面用咗好多木材，壽司吧後面有一塊塊木牌介紹唔同嘅魚生，整個店舖嘅設計都非常有日本嘅風味。我同朋友叫咗一個炙燒壽司盛盒，一個三色手卷盛，最後仲要咗個精選刺身(二人前)。精選刺身包括三文魚、油甘魚、甜蝦、帶子同埋池魚。首先食咗味道比較清嘅池魚，池魚上面有碎葱同埋薑，先來嘅有薑同埋葱嘅味道，然後池魚既鮮甜就慢慢咁湧出黎。之後食咗油甘魚，油甘魚肉身甘甜，油滑幼細，餘韻籠罩着整個口腔。另外帶子亦都好新鮮，肉身爽，味道清甜。甜蝦好大隻，十分新鮮，蝦肉爽，而且非常甜，蝦膏更加係好正，回甘無比！最後三文魚好肥美，唔會有筋，而且切得好厚，作為刺身拼盤既結尾十分完美！炙燒壽司盛盒入面有5舊壽司，分別係炙燒呑拿魚腩，炙燒三文魚腩，炙燒左口魚邊，炙燒金線鯛同埋炙燒帶子。炙燒呑拿魚腩壽司好肥美，唔會有筋，入口即溶，先有炙燒既焦香，然後呑拿魚既油香就慢慢散發出黎。炙燒三文魚腩同樣肥美，壽司上面放左少少洋蔥粒，突顯左壽司既鮮味，更豐富左口感同埋味道嘅層次。炙燒左口魚邊一直都係我既最愛，熱力活化左左口魚邊既脂質，一入口就已經感受
今日同朋友去到尖沙咀一間立食壽司店，餐廳空間唔大，大約有10個座位，全部都係吧枱。壽司店入面用咗好多木材，壽司吧後面有一塊塊木牌介紹唔同嘅魚生，整個店舖嘅設計都非常有日本嘅風味。我同朋友叫咗一個炙燒壽司盛盒，一個三色手卷盛，最後仲要咗個精選刺身(二人前)。
精選刺身包括三文魚、油甘魚、甜蝦、帶子同埋池魚。首先食咗味道比較清嘅池魚，池魚上面有碎葱同埋薑，先來嘅有薑同埋葱嘅味道，然後池魚既鮮甜就慢慢咁湧出黎。之後食咗油甘魚，油甘魚肉身甘甜，油滑幼細，餘韻籠罩着整個口腔。另外帶子亦都好新鮮，肉身爽，味道清甜。甜蝦好大隻，十分新鮮，蝦肉爽，而且非常甜，蝦膏更加係好正，回甘無比！最後三文魚好肥美，唔會有筋，而且切得好厚，作為刺身拼盤既結尾十分完美！
精選刺身
6 浏览
0 赞好
0 留言
炙燒壽司盛盒入面有5舊壽司，分別係炙燒呑拿魚腩，炙燒三文魚腩，炙燒左口魚邊，炙燒金線鯛同埋炙燒帶子。炙燒呑拿魚腩壽司好肥美，唔會有筋，入口即溶，先有炙燒既焦香，然後呑拿魚既油香就慢慢散發出黎。炙燒三文魚腩同樣肥美，壽司上面放左少少洋蔥粒，突顯左壽司既鮮味，更豐富左口感同埋味道嘅層次。炙燒左口魚邊一直都係我既最愛，熱力活化左左口魚邊既脂質，一入口就已經感受到濃濃既油香，加上左口魚邊爽口既口感，回味無窮。炙燒金線鯛亦都非常不錯，金線鯛係日本既別名係「特大糸撚鯛」，即係我哋嘅紅衫魚。金線鯛既皮被燒過之後除咗增添左一份風味，更活化左皮下嘅脂肪，令壽司識落嘅油香更加豐富。最後燒帶子壽司亦都唔錯，帶子好肥美好厚，咬落去淡淡鮮味。講到壽司就一定要提壽司飯，餐廳係處理壽司飯方面處理得好好，每粒壽司飯都晶瑩飽滿，咬落有口感唔會冧哂咁，而且醋既份量都控制得非常出色，睇得出餐廳十分著重每一個細節。
炙燒壽司盛盒
0 浏览
0 赞好
0 留言
最後三色手卷盛亦都相當不俗，三色手卷分別係辣三文魚粒，燒鰻魚同埋葱拖羅手卷。辣味三文魚第一啖咬落有麻油既香味，然後再有種微微既辣味散發出黎。鰻魚手卷入面個塊鰻魚燒得好香，亦都好大塊，正！葱拖羅手卷入面既拖羅蓉好鮮好香，搭配埋葱碎既口感同味道，帶比我一流既體驗。
三色手卷盛
8 浏览
0 赞好
0 留言
张贴
