雪寮 (已結業)

雪寮又有新野😍😍😍今日落嚟K11宜家家私买嘢，口痕上去雪寮谂住食吐司！点知见到原来最近出咗雪糕😍😍😍有几款雪糕都非常特别，姜柠脆枣雪糕真系第一次见，非常新颖！洛神草莓滋润雪糕，呢一款睇落似士多啤梨酱，下次试吓先！今次我叫咗椰皇雪糕，非常有惊喜！雪糕奶味香浓，食到底下原来充满雪耳😱😱😱😱真系估唔到，非常足料！另外仲叫咗两份奶酥吐司！一份系可可奶酥配云呢拿奶酥，另一份系伯爵茶橙味奶酥配抹茶奶酥❤️伯爵茶奶酥中有橙味非常特别，香气十足！而且面包软熟，焗完都保持到状态，好食！个人最喜欢可可奶酥，朱古力味嘅嘢真系冇得输，而且奶酥非常厚身，真系厚厚地涂上去！两个人食一片就啱啱好！除咗甜味嘅奶酥，仲有提供咸味嘅厚吐司，例如兰王旦芝士厚吐司！好想试，可惜今次太饱，下次再嚟一定要试吓！