酒鍋 (天文臺道) (已結業)

最近香港又冻返少少，所以就同老公去打吓边炉，我哋拣咗去酒锅度食，叫咗个二人餐，好快就上咗黄金美人汤底，即系胡椒猪肚花胶黄金鲜鸡汤，可以即刻驱寒，花胶仲有助养颜添，我哋不时都会抌啲蜂巢豆腐入去索汤食海鲜拼盘：包括扇贝、圣子、海虾、卜卜蚬，我哋特别钟意圣子，食落真系好鲜甜，而且爽口黑毛和牛：真系非常好食，有少少油脂得来，但有肉嘅纤维，唔会过于肥腻饺丸：黑松露虾蟹饺嘅黑松露味特别香，鱼皮饺嘅表皮做得好好，墨鱼丸弹牙，芝士虾丸入面系有流心芝士，充满咸香蔬菜拼盘：包括菜，南瓜，蕃茄等等，椰菜花同胡椒汤底好夹薏米柠檬水：味道唔算太甜，而且有助水肿Peachy Punch:结合咗桃、提子、菠萝嘅味道，清新开胃