影片
更多
2023-01-02
1973 浏览
年尾想食餐好嘅，嚟到呢間位於尖東新開業嘅「板神」食鐵板燒，呢間已經係佢第四間分店，地理位置非常之方便，地鐵行過嚟好近就到～和風嘅裝修簡潔明亮，圍住鐵板一排位置，可以近距離同師傅交流同埋睇佢表演烹調各種菜式😛餐廳有提供各種套餐，我就選擇咗板神自選晚餐$980/位，包含咗前菜、沙律、三款鐵板菜式包括有海鮮及肉類、炒飯、湯、漬物同埋甜品，菜品非常之豐富呀！前菜三點有黑梅貝、溫室蕃茄同埋黑芝麻豆腐，黑梅貝即係小海螺，入口爽口彈牙而且好入味，番茄都好清甜，芝麻豆腐好特別，芝麻味好濃郁。西班牙火腿沙律及刺身五點西班牙紅蝦/北寄貝呢兩款鐵板菜式係可以二選一嘅，我同朋友一人叫咗一款，強烈推薦食西班牙紅蝦❤️蝦味濃郁，煎得好香，連啲鬚都煎成薄片可以食㗎！肉質緊實，剩餘嘅蝦膏汁仲可以點多士，我哋食到一滴都唔淨！北寄貝就都好大隻，生熟程度啱啱好，好鮮甜。龍蝦/南非鮑魚呢兩款都係二選一嘅，當然我都係全部試晒～龍蝦都幾大隻爽口彈牙，拌著龍蝦膏一齊食，甘香十足鮮味提升！南非鮑魚就超大隻，好新鮮仲睇住佢郁郁下㗎，切成薄片，肉質鮮美，原味食或者點少少鹽都可以，唔需要過多嘅調味。美國牛肉薄燒牛肉油脂分布均勻，結埋蒜片同埋
餐廳有提供各種套餐，我就選擇咗板神自選晚餐$980/位，包含咗前菜、沙律、三款鐵板菜式包括有海鮮及肉類、炒飯、湯、漬物同埋甜品，菜品非常之豐富呀！
前菜三點
有黑梅貝、溫室蕃茄同埋黑芝麻豆腐，黑梅貝即係小海螺，入口爽口彈牙而且好入味，番茄都好清甜，芝麻豆腐好特別，芝麻味好濃郁。
西班牙火腿沙律及刺身五點
西班牙紅蝦/北寄貝
呢兩款鐵板菜式係可以二選一嘅，我同朋友一人叫咗一款，強烈推薦食西班牙紅蝦❤️蝦味濃郁，煎得好香，連啲鬚都煎成薄片可以食㗎！肉質緊實，剩餘嘅蝦膏汁仲可以點多士，我哋食到一滴都唔淨！北寄貝就都好大隻，生熟程度啱啱好，好鮮甜。
龍蝦/南非鮑魚
呢兩款都係二選一嘅，當然我都係全部試晒～龍蝦都幾大隻爽口彈牙，拌著龍蝦膏一齊食，甘香十足鮮味提升！南非鮑魚就超大隻，好新鮮仲睇住佢郁郁下㗎，切成薄片，肉質鮮美，原味食或者點少少鹽都可以，唔需要過多嘅調味。
美國牛肉薄燒
牛肉油脂分布均勻，結埋蒜片同埋蔥花，食落特別香口。
日本豚肉薄燒
用春卷皮包住，呢個做法相當之有創意！即係類似片皮鴨咁樣，但係入邊係夾住日本豚肉同埋蔥花，好惹味～
日本牛肉厚燒(100g)（+$330）
牛味濃郁，肉質粉嫩，口感軟腍。
帶子（+$100）
刺身級嘅帶子，香煎之後兩面金黃，面頭帶有少少焦香，肉質厚實鮮甜，貝殼形嘅碟都好精緻啊！
鵝肝（+$100）
必食之選❤️油香十足，入口即溶，以小型漢堡包夾住，唔會覺得油膩，簡直一試難忘～
食完晒鐵板嘅菜式其實已經好飽了，之後仲要有鐵板燒必有嘅炒飯，炒飯粒粒分明夠乾身，入面仲有大量嘅白飯魚，好香口！然後麵豉湯係用返先前嗰隻龍蝦個頭嚟煲㗎，鮮味十足～甜品就係鐵板焦糖多士配雪糕，又凍又熱咁，真係Perfect match。
张贴
