影片
更多
2024-03-21
174 浏览
尖沙咀棉登径嘅「N.28 Teppanyaki 」系一间CP值极高嘅日式铁板烧，环境型格又有格调，设有长身吧枱座位，可以欣赏到厨师的烹调手艺，睇住烧系好食啲㗎啦。好欣赏呢度除咗精湛厨艺外，佢哋都会摆盘靓靓，令食嘢都充满仪式感，侍应同大厨仲有非常nice，同客人打成一片，气氛非常好呢！佢哋有个大大鱼缸，可以确保海鲜品质。午市期间提供多款超值嘅铁板烧套餐，套餐包括仲有主菜、田园沙律、茶碗蒸、季节汤及厨师精美甜品。田园沙律沙律菜新鲜，有车厘茄、藜麦及蒟蒻，味道清新，口感丰富。带子青海苔茶碗蒸用一粒蛋壳型杯仔装住，下面铺有细鹅卵石，造型有心思，将海苔汁同蒸蛋捞匀，口感细腻绵滑入味。南非鲍鱼配干贝汁睇住师傅将只鲍鱼放在铁板上烧，鲍鱼仲劲生猛，感觉有少少残忍，但真系非常非常新鲜，鲍鱼高质，烧得好入味，将鲍鱼切成薄片，在上面加咗黑松露更加惹味。用干贝汁伴碟，摆盘相当出色。铁板大虾配鸡尾酒酱大虾啖啖肉，去壳留虾头，肉质鲜甜弹牙，用鸡尾酒酱伴碟有心思。美国安格斯牛柳师傅会先问清楚客人想要嘅熟度，而且配有蒜片同盐、酱料，口味自己决定就唔洗惊太咸啦，呢个真系非常好！牛肉非常高质，牛肉味香浓而且细腻冇渣，非常
尖沙咀棉登径嘅「N.28 Teppanyaki 」系一间CP值极高嘅日式铁板烧，环境型格又有格调，设有长身吧枱座位，可以欣赏到厨师的烹调手艺，睇住烧系好食啲㗎啦。
好欣赏呢度除咗精湛厨艺外，佢哋都会摆盘靓靓，令食嘢都充满仪式感，侍应同大厨仲有非常nice，同客人打成一片，气氛非常好呢！
佢哋有个大大鱼缸，可以确保海鲜品质。
午市期间提供多款超值嘅铁板烧套餐，套餐包括仲有主菜、田园沙律、茶碗蒸、季节汤及厨师精美甜品。
田园沙律
沙律菜新鲜，有车厘茄、藜麦及蒟蒻，味道清新，口感丰富。
带子青海苔茶碗蒸
用一粒蛋壳型杯仔装住，下面铺有细鹅卵石，造型有心思，将海苔汁同蒸蛋捞匀，口感细腻绵滑入味。
南非鲍鱼配干贝汁
睇住师傅将只鲍鱼放在铁板上烧，鲍鱼仲劲生猛，感觉有少少残忍，但真系非常非常新鲜，鲍鱼高质，烧得好入味，将鲍鱼切成薄片，在上面加咗黑松露更加惹味。用干贝汁伴碟，摆盘相当出色。
铁板大虾配鸡尾酒酱
大虾啖啖肉，去壳留虾头，肉质鲜甜弹牙，用鸡尾酒酱伴碟有心思。
美国安格斯牛柳
师傅会先问清楚客人想要嘅熟度，而且配有蒜片同盐、酱料，口味自己决定就唔洗惊太咸啦，呢个真系非常好！牛肉非常高质，牛肉味香浓而且细腻冇渣，非常香口！
季节汤物系海带豆腐汤，精美甜品系芝麻雪糕亦非常高质！
张贴
