影片
更多
2024-01-12
53 浏览
老婆同朋友食饭，叫我去埋可以叫多d野食，大家齐齐开心些牙。佢地话要食韩国野，啱我，韩烧加炸鸡，最爱，谂住可以狂擦。点鬼知，佢地两样都无叫，食其他韩式食物。韩国炸酱面睇个卖相，仲谂住系重口味咸野黎，点知食落一d都唔咸，有d猪肉，有d蔬菜，面唔会太淋，有d口感，捞埋一齐食，唔错。韩式海鲜辣面都算多料，有虾，蟹，鱿鱼，青口，睇埋个汤底，仲以为系辛辣面只公仔面咁，不过唔系公仔面，放耐左都唔索晒d汤，辣辣地都ok。韩式糖醋肉对我黎讲真心似咕噜肉，无骨版本，酸甜口味。药膳酱油蟹第一次食酱油蟹，之前未食过，成日以为劲咸，劲重酱油味，但原来食落小小甜味，估唔到。附上碗纸菜饭，酱将d蟹膏同蟹肉捞埋一齐食几好食。另外佢入面有三文鱼刺身，索左d酱油都好好食。之后拆埋d蟹肉出黎慢慢食，新鲜货。炖牛排骨汤配饭有牛骨，d肉好淋，粉丝底，又有萝白，仲有入面有支都几大下既人参。三个女人都唔食饭，我自己啪晒一碗，用汤送饭，劲重牛味。韩式卤猪脚半份其实都几大份下，有生菜同紫苏叶比你用黎夹住食。又有两款酱汁比你点。有人建议加埋泡菜一齐夹住食，好食d。海鲜葱煎饼配腌洋葱其实煎饼类似中式既咸薄餐，有大量葱，我就好啱食架啦。我再
老婆同朋友食饭，叫我去埋可以叫多d野食，大家齐齐开心些牙。佢地话要食韩国野，啱我，韩烧加炸鸡，最爱，谂住可以狂擦。点鬼知，佢地两样都无叫，食其他韩式食物。
韩国炸酱面
睇个卖相，仲谂住系重口味咸野黎，点知食落一d都唔咸，有d猪肉，有d蔬菜，面唔会太淋，有d口感，捞埋一齐食，唔错。
韩式海鲜辣面
都算多料，有虾，蟹，鱿鱼，青口，睇埋个汤底，仲以为系辛辣面只公仔面咁，不过唔系公仔面，放耐左都唔索晒d汤，辣辣地都ok。
韩式糖醋肉
对我黎讲真心似咕噜肉，无骨版本，酸甜口味。
药膳酱油蟹
第一次食酱油蟹，之前未食过，成日以为劲咸，劲重酱油味，但原来食落小小甜味，估唔到。附上碗纸菜饭，酱将d蟹膏同蟹肉捞埋一齐食几好食。另外佢入面有三文鱼刺身，索左d酱油都好好食。之后拆埋d蟹肉出黎慢慢食，新鲜货。
炖
牛排骨汤配饭
有牛骨，d肉好淋，粉丝底，又有萝白，仲有入面有支都几大下既人参。三个女人都唔食饭，我自己啪晒一碗，用汤送饭，劲重牛味。
韩式卤猪脚半份
其实都几大份下，有生菜同紫苏叶比你用黎夹住食。又有两款酱汁比你点。有人建议加埋泡菜一齐夹住食，好食d。
海鲜葱煎饼配腌洋葱
其实煎饼类似中式既咸薄餐，有大量葱，我就好啱食架啦。
我再叫左个炸杂锦蔬菜（南瓜／蕃薯／香菇）
对我黎讲，其实似天妇罗，我不嬲都麻麻地，试食左旧，新鲜炸起，够哂热，唔厚粉。
食左咁多野要饮番杯热麦茶解解腻
叫左支米酒，由于饭后要去打波既关系，饮左啖，唔重酒味，有几香既米味，甜甜地易入口，好易越饮越多，咪讲笑。
虽然餐厅都几多客，但侍应都应付自如，有礼又帮手。
张贴
