影片
更多
2024-05-21
379 浏览
尖沙咀不嬲都好多嘢食，烧肉边炉咩都有，有时候真系太多选择唔知拣边间好。咁啱上网见到呢到可以满足到我想食蒸气海鲜锅同埋边炉嘅欲望，同时睇到啲相觉得啲牛肉都几靓，所以就想试吓。自己最近喉咙有啲痛，拣咗个药膳鸡锅养下身，如果下次嚟我一定会试豆乳芝士锅。药膳鸡锅好足料，个汤饮落好舒服，见到成大只鸡脾拎嚟煲汤，真系一啲都唔肉赤。价钱其实唔系话好平，但系食完就觉得呢个价钱真系超级抵食，啲牛肉质素唔话得。‣ A5帝王和牛海鲜 $438 ⭐️⭐️⭐️⭐️⭐️· 头盘小食（鬼马油炸鬼、口水汁麻辣拼盘、正宗泰式串烧拼盘）个人嚟讲我最钟意佢嘅鬼马油炸鬼，佢喺上面铺咗一层虾滑，食落冇想像中咁香口，喉咙都顶得顺，佢仲好贴心咁附上沙律酱。由于我好钟意佢脆口嘅口感，所以冇试过放佢入火锅入边，有兴趣嘅都可以试吓。至于口水汁麻辣拼盘，花椒味都比较重，但系都几香，虽然叫麻辣但系唔会话太辣。而泰式串烧拼盘，我觉得最好食嘅就系斑斓香叶鸡，烧得好香，肉质都好嫩滑。· 蒜蓉辣椒卜卜蚬粉丝煲蚬肉都好新鲜而且好多，份量真系比想像中大份。咁啱嗌嘅辣度都系好微，所以食得出本身佢天然嘅海鲜咸味。粉丝食咗几啖就冇食，相对上都比较淡味，好在佢嘅粉丝都系
‣ A5帝王和牛海鲜 $438 ⭐️⭐️⭐️⭐️⭐️
· 头盘小食（鬼马油炸鬼、口水汁麻辣拼盘、正宗泰式串烧拼盘）
个人嚟讲我最钟意佢嘅鬼马油炸鬼，佢喺上面铺咗一层虾滑，食落冇想像中咁香口，喉咙都顶得顺，佢仲好贴心咁附上沙律酱。由于我好钟意佢脆口嘅口感，所以冇试过放佢入火锅入边，有兴趣嘅都可以试吓。至于口水汁麻辣拼盘，花椒味都比较重，但系都几香，虽然叫麻辣但系唔会话太辣。而泰式串烧拼盘，我觉得最好食嘅就系斑斓香叶鸡，烧得好香，肉质都好嫩滑。
· 蒜蓉辣椒卜卜蚬粉丝煲
蚬肉都好新鲜而且好多，份量真系比想像中大份。咁啱嗌嘅辣度都系好微，所以食得出本身佢天然嘅海鲜咸味。粉丝食咗几啖就冇食，相对上都比较淡味，好在佢嘅粉丝都系比较滑身，我都几钟意。因为我拣嘅嘢已经好养生，对我嚟讲已经好足够，食晒啲蚬之后都冇乜点样食。
· 海鲜蒸气锅
去到食海鲜蒸气锅嘅时候，发觉自己都开始饱饱地，喺枱嘅侧边都有一份「说明书」教你啲海鲜要蒸几耐先好食，跟足啲说明好轻易就将啲海鲜整到啱啱好。而个汤底都系鲣鱼昆布汤，食完啲海鲜仲可以用个汤煮吓其他嘢食。蚝肉真系好大嚿，但系因为本身唔太钟意食蚝，所以俾咗男朋友食。佢都话几新鲜又够肥美多汁，唔会觉得特别腥。我自己个人最钟意青口同扇贝，啲食材食得出好新鲜。整紧墨鱼仔嘅时候店员都有提醒我快啲食，同埋主动帮我哋开蚝，服务真系好到不得了。
· 黑桦牛精选层架
个人最钟意佢嘅封门柳，真系就算全熟都好好食，咬落去嘅时候时候啲牛味真系出晒嚟，果然不愧系「成只牛肉味最浓嘅部份」。而且佢嘅封门柳有一定嘅厚度，一啲都唔孤寒。本身层架就送一份，再食嘅话就要加钱，我就留返个肚食其他肉啦。佢啲醉鸡都唔错，但系我觉得未有封门柳咁惊艳。饺子就正常发挥，冇乜特别。
· 其他任选火锅配料
我觉得一定要食嘅就系「A5熊本黑桦和牛和尚头」同「A5熊本黑桦和牛特上霜降牛小排」，啲雪花睇落真系好靓，食落去都唔会好腻，虽然牛味真系冇封门柳咁重，但系个人钟意食到啲油香味。而和尚头本身都系牛嘅稀有部位，食得出佢嘅嫩滑，舖头普遍提供嘅牛质素都好高，油花分布均匀，冇一块好鞋口。其他配料我就嗌咗啲墨鱼滑、羽衣甘蓝，然后encore咗鬼马油炸鬼。佢嘅柚子炸鸡翼都唔错，但系就正常发挥。如果你问我嘅话，净系专注食牛就已经好足够，饱到连雪糕都唔想食。
张贴
