世華餐廳 (已結業)

朋友只喜欢食中菜，是日出左黎尖沙咀，上开饭揾下附近有咩好中餐馆先，找到世华餐厅，睇相好似唔错咁，就试下佢先。地点在K11的后面街，好易揾。上到去，坐了窗边的卡座，几濶落好坐。餐具简洁，感觉还不错。茗茶($10)开了壶普洱茶，茶够浓又够滚，好饮。睇睇餐牌，小菜好多款式，铁板，煲仔咩都有，最后由朋友拍板点了几款小炒。黑椒一口牛柳粒($58)先来小食的牛柳粒，豉椒炒，味道好浓列属重口味的，牛柳粒嫩滑，正。盐酥鲜鱿鱼($58)同样是小食类的炸鱿鱼须，是不沾粉的炸法，很干身一点都不油腻，略微淡了点，朋友跟我都是重口味人仕，加多一点点盐就好了。豉汁凉瓜排骨煲($88)哗，上枱时好大烟，个煲都烧热左㗎，好香呀！排骨入味，凉瓜爽脆不苦涩，好好下饭～干锅肥肠($88)仲有呢碟铁板上的肥肠，块板超热要小心呀！肥肠够肥弹牙有咬口，微辣好惹味，正！白饭($10)咁多好𩠌点少得白饭呀，捞汁一流。地方大好好坐立，食物好食，价钱也合理，想食中菜的好选择呢。