影片
更多
2018-04-20
2054 浏览
每次去尖沙嘴都唔知食咩好，因为实在太多嘢可以拣，但得自己一丁友去食又食唔到几多嘢，所以好多时都系食吓小食或者食碗面就算，查到有间拉面店新开，有比较少见嘅樱花虾沾面，试吓无坏。由于系新开而且系三点几钟，无咩客人系件几正常嘅事。店里嘅装修都真系几朴素，木枱同木色筷子好似食鱼蛋河咁嘅款，加上一个唔知系特色定系甩色嘅墙身，其实成件事几时光倒流又意外地夹。沾面有四款而且有得拣冷暖面，要食就梗系食冷面嘅。除咗沾面仲有三款拉面，仲可以拣面嘅软硬度，或者走唔走葱笋，细节位做得几足啵。上枱喇﹗睇个样都几足料，沾汁嘅樱花虾铺到满晒，沾面除咗叉烧溏心蛋笋干葱呢几样基本嘢之外，仲有海带芽呢个味噌汤常客。一手摸落碗沾汁度，个碗热到辣手即时一缩，好明显个碗系比沾汁更加热，咁样做就有保温效果。虽然小处有著眼，但沾汁就不过不失，个汁唔会过咸亦食到蔬菜嘅清甜，唔需要加汤割都可以成碗饮晒。另外樱花虾的确用咗唔少，但一清晒樱花虾个汁就无晒虾味，不如攞部份虾去煮沾汁咪仲好。沾面呢边都系大堆头，啲配料基本上冚晒成碗面。但佢真系得个样唔错，沾面系结实得嚟无弹性，口感自然唔好，无落碱水可能系原因，但其实可以喺面粉上著手，其他舖头无
由于系新开而且系三点几钟，无咩客人系件几正常嘅事。店里嘅装修都真系几朴素，木枱同木色筷子好似食鱼蛋河咁嘅款，加上一个唔知系特色定系甩色嘅墙身，其实成件事几时光倒流又意外地夹。
沾面有四款而且有得拣冷暖面，要食就梗系食冷面嘅。除咗沾面仲有三款拉面，仲可以拣面嘅软硬度，或者走唔走葱笋，细节位做得几足啵。
上枱喇﹗睇个样都几足料，沾汁嘅樱花虾铺到满晒，沾面除咗叉烧溏心蛋笋干葱呢几样基本嘢之外，仲有海带芽呢个味噌汤常客。
樱花虾沾面
$93
34 浏览
0 赞好
0 留言
一手摸落碗沾汁度，个碗热到辣手即时一缩，好明显个碗系比沾汁更加热，咁样做就有保温效果。虽然小处有著眼，但沾汁就不过不失，个汁唔会过咸亦食到蔬菜嘅清甜，唔需要加汤割都可以成碗饮晒。另外樱花虾的确用咗唔少，但一清晒樱花虾个汁就无晒虾味，不如攞部份虾去煮沾汁咪仲好。
樱花虾沾面
$93
41 浏览
0 赞好
0 留言
沾面呢边都系大堆头，啲配料基本上冚晒成碗面。
但佢真系得个样唔错，沾面系结实得嚟无弹性，口感自然唔好，无落碱水可能系原因，但其实可以喺面粉上著手，其他舖头无碱水味得嚟都可以弹牙，无理由做唔到嘅。
而叉烧可以话系灯影叉烧，三块加埋都唔够人地一块厚，除咗要赞一下刀功外，就梗系要弹块叉烧无咬口，切到咁薄完全食唔出究竟入唔入味，尚幸有啲火炙味点缀下，成件事无咁寡。
樱花虾沾面
$93
23 浏览
0 赞好
0 留言
溏心蛋个样的确系溏心嘅，但系睇色水就知唔够入味，软熟度可以但好细粒，照计细细粒应该容易入味先系嫁…
樱花虾沾面
$93
15 浏览
0 赞好
0 留言
老实讲呢度嘅基本功真系做得麻麻，有注意到细节位，主动加水同埋礼貌良好系件好事，但去餐厅食嘢，梗系嘢食质素排先。仲要拉面唔系平嘅菜式，以呢度嘅定价，其实有更抵更好食嘅选择啦，不过开业初期，应该有进步空间嘅。
张贴
