狂野麻神麻辣火鍋 (已結業)

行过尖沙咀，见到有间麻神。咁啱天气有d冻，超想食d辣嘅暖一暖个人，就同朋友一齐上左去。上到去之后发现个装修同埋个环境都令到我哋觉得好舒服，好似去左按摩店咁。我哋见到个二人餐好似好多嘢食咁，就叫咗一个二人餐（$888）佢仲要有唔同款嘅牛肉再加埋海鲜拼盘，可惜当日嘅猪几乎卖晒，所以得返2片。一开始就嚟咗个椒盐炸豆腐，之后所有火锅嘅配料都好快嚟到。令到我最惊讶嘅系佢个蔬菜拼盘，佢劲有心机切得好靓之余，蔬菜嘅种类都绝不马虎连最少见嘅冰菜都有。我哋另外仲加咗钱叫咗个鸳鸯锅，谂住一次过享受晒麻辣汤底同埋花胶鸡汤！花胶鸡汤建议大家先饮一碗汤先打边炉，劲似老火靓汤用真材实料烹调左超过两个钟以上！花胶唔需要煮好耐，见到水滚就可以即刻食。佢啲海鲜都劲有鲜味，虽然汤底都好惹味，但系唔会重口味到完全覆盖海鲜嘅鲜味。而且佢啲海鲜唔会有沙嘅存在，想要感受到更多嘅鲜味可以使用花胶鸡汤煲，如果想有少少辣味可以喺麻辣汤底𠮶度碌两下。佢啲牛肉都劲好食，配埋个麻辣汤底简直一流，连豉油都可以唔使要！