影片
更多
2022-06-10
2769 浏览
星级川菜名厨- 陈启德「德哥」师傅，知道佢首次同「点一龙」合作，炮制以「川味」为主题嘅11道特色川菜。 专登约都钟意食辣嘢同川菜嘅朋友来「点一龙」来捧场试试。餐厅设计以中国红为主题，中间有个好大嘅红色中式灯笼大灯同屏风， 设计时尚高贵，充满中国古典风。 餐厅楼底高，好有空间咁，同朋友倾偈唔会比隔篱位听到。 今次试咗6款「川味」菜式，唔同嘅𩠌配搭唔同嘅辣度。 辣得过瘾！由前菜、主菜到点甜， 价钱由最低$38去到最高嘅$148，价钱相当亲民。夫妻肺片($88）厨师刀工非常厉害可以切到牛肚同牛舌都非常之薄，肉质爽嫩弹牙，好吸辣椒汁嘅味。麻辣味道超出，辣度正常唔会抢咗牛嘅味道。水煮牛肉 （$148）辣到中间，麻味唔算太强烈。牛肉片感觉用发粉嗱过。 所以牛肉片发到比较胀。 唔算太入味，牛肉同辣椒油发开左。水煮牛肉入面，伴有好多有牙嘅黄豆作配菜。用来作清热解毒返牛肉同辣椒。滋味酸菜鱼 （$148）平时食开酸菜鱼都系用新鲜鱼片或者桂花鱼来制作。而该店嘅酸菜鱼系用龙利柳来制作。有豆卜、芽菜、酸菜、蒜头、干辣椒、花椒、芫荽作汤底，非常惹味。我自己都系比较喜欢用新鲜鱼片或者桂花鱼来做酸菜鱼。重庆口水鸡($
餐厅设计以中国红为主题，中间有个好大嘅红色中式灯笼大灯同屏风， 设计时尚高贵，充满中国古典风。 餐厅楼底高，好有空间咁，同朋友倾偈唔会比隔篱位听到。 今次试咗6款「川味」菜式，唔同嘅𩠌配搭唔同嘅辣度。 辣得过瘾！由前菜、主菜到点甜， 价钱由最低$38去到最高嘅$148，价钱相当亲民。
夫妻肺片($88）
厨师刀工非常厉害可以切到牛肚同牛舌都非常之薄，肉质爽嫩弹牙，好吸辣椒汁嘅味。麻辣味道超出，辣度正常唔会抢咗牛嘅味道。
水煮牛肉 （$148）
辣到中间，麻味唔算太强烈。牛肉片感觉用发粉嗱过。 所以牛肉片发到比较胀。 唔算太入味，牛肉同辣椒油发开左。水煮牛肉入面，伴有好多有牙嘅黄豆作配菜。用来作清热解毒返牛肉同辣椒。
滋味酸菜鱼 （$148）
平时食开酸菜鱼都系用新鲜鱼片或者桂花鱼来制作。而该店嘅酸菜鱼系用龙利柳来制作。有豆卜、芽菜、酸菜、蒜头、干辣椒、花椒、芫荽作汤底，非常惹味。我自己都系比较喜欢用新鲜鱼片或者桂花鱼来做酸菜鱼。
重庆口水鸡($118)
鸡肉脂肪多过肉，食落去口感好似啫喱。皮爽，肉滑。 淋上热辣辣嘅红油喺口水鸡表面，加点色彩，红中带黄。整条菜，如唔想食太辣，可以唔将口水鸡掂红油。
驰名担担面（$68）
面条拉到好幼，好爽口弹牙。 汤底少少花生味，加入芝麻同花辣油作汤底，辣度适中。 冇四川担担面𠮶种超浓同劲辣嘅感觉，比较淡味。
红糖糍粑 （$38）
第一次食呢一个甜品，原来系四川嘅传统小吃。 外型似豆卜, 用糯米粉以慢火炸到外脆内软，加入红糖同黄豆粉一齐食，感觉新鲜。
张贴
