T.Co (加拿分道)

营业中

休息中

今日去尖沙咀食完晚饭，经过见到呢间新开嘅烤卷店，有好多人喺度排队，好奇入去睇吓，见到佢啲烤卷都几吸引，而且系即点即整。🌮滋味牛肉烤卷 有牛肉、洋葱🧅、蒜蓉酱同芝士🧀制作而成，牛肉切到细细粒，份量都几多，牛肉口感弹牙而且好够咸香，成个卷饼食落好惹味又饱肚。🌮香嫩鸡肉烤卷呢个系用香辣酱、蕃茄🍅、青瓜🥒同鸡肉制作而成，食落去口感清爽，鸡肉几嫩滑。🍱滋味牛肉饭饭嘅口感软硬适中，加埋上面啲酱，食落更滋味。旁边仲有啲蕃茄🍅、切到好幼细嘅洋葱丝同青瓜🥒丝。牛肉方面，口感弹牙而且好够咸香，带少少微辣，一啖饭一啖𩠌 食落真系好满足😌。🥤见到咖啡买一送一，点咗杯冻美式咖啡同冻拿铁咖啡，大大杯几抵饮。