牛品台式火鍋

营业中

休息中

台式鸳鸯火锅放题！同朋友一行四人最好就系打边炉，可以坐足两个钟，慢慢食慢慢倾偈。不过呢度服务麻麻哋，到最后当两个朋友去紧厕所嘅时候，服务员开始收拾，我哋解释咗厕所排队等好耐，佢哋返嚟我哋就会走，不过服务员坚持要我地帮朋友拎埋佢哋嘅随行物品离开座位先，语气有啲差。牛御品吃到饱套餐$299- 我哋六点钟入座，星期六所以要加$20。我哋选择鸳鸯锅加$50，拣咗元气养生同蕃茄浓汤锅。养生锅入面有好多药材，汤底有少少苦，不过我接受到。呢个套餐包每人一只鲜鲍鱼，都几弹牙。放题自助区有好多菜、丸、饮品拣。个人推荐桂花乌龙同白桃乌龙冷泡茶，几清新，有助去一去火锅嘅油腻感。澳洲M9肩胛肉- 喺云云咁多种肉类选择之下，我哋几个一致认为澳洲M9肩胛肉最好味，我哋encore左好多次。油花几好，口感几软滑，牛肉味都重。推介！小吃- 炸鱼皮、炸甜不辣都几好味，叫一细碟share嚟食都唔错。甜品- 差不多到最后服务员会俾张甜品纸俾我哋填，有得拣movenpick雪糕或者芋圆柠檬绿茶爱玉。爱玉好Q弹有柠檬茶嘅味，三色芋圆几烟韧，味道唔假，都几好食。