Assembly

营业中

休息中

黑松露杂菌意大利饭个饭一黎到个黑松露味好香，远处都已经闻到浸黑松露味。个饭亦都唔会太淋，饭身我个人觉得有啲硬，不过整体唔错。而啲菇份量又岩岩好，唔会太少菇。最后饭面都有啲芝士粉吊下味咁，好适合同朋友一边饮下哋一边食。黑松露薯条黑松露薯条最令我惊喜嘅地方系佢系薯条上面有一堆蒜蓉，因为未试过食黑松露薯条会跟一堆蒜蓉俾你。另外佢有个黑松露酱，个黑松露味道唔太出，比较淡，可能因为本身已经食咗黑松露饭。而佢薯条都唔系太淋，即叫即炸，同埋佢薯条系比较粗𠮶只，啱晒我口味。环境佢呢度最适合少少朋友过去倾吓偈，食吓嘢，佢亦都有室内同室外。坐室外就比较嘈同埋迫，因为条走廊就系隔离，会有人喺侧边不停行。同埋佢啲侍应都唔识讲广东话，不过整体上嚟讲都系适合饮番杯，谈吓心。