九十番地居酒屋

营业中

休息中

今日约咗朋友尖沙咀食饭， 佢带咗我去食日本嘢， 食店就系尖沙咀金巴利道君怡酒店1楼， 一去到已经被大门口 嘅招财猫所吸引， 入到店内和风摆设装修优雅舒适，好有日本风味道。帆立贝寿司：帆立贝 肉质滑嫩鲜甜美味 配搭醋饭 嘅酸度同帆立贝嘅鲜甜相辅相成，令人回味无穷。蟹膏豆腐寿司： 第一次食蟹膏豆腐，好有惊喜， 豆腐嫩滑，蟹膏香浓又唔会过咸， 呢款寿司不能错过。牛油果软壳蟹饭卷：即叫即制， 摆盘靓，牛油果好新鲜， 软壳蟹炸起黄金香脆，上面铺满牛油果同蟹子， 味道清爽口感有层次。佢哋嘅串烧都做得好出色， 大葱鸡肉串， 鸡肉嫩滑多汁， 香葱新鲜爽脆， 五花腩串外皮烧得黄金香脆 咬落去满满嘅油香， 其他各款串烧味道都调教得很好。