潮牛莊火鍋

营业中

休息中

呢间位于尖沙咀金马伦广场嘅潮式火锅店主打手切骟牯牛肉，有好多牛嘅唔同部位可以食到，我哋嗌咗职员推介的爪边，建议煮5-8秒就食得，另外仲点咗坑腩爪同金钱牛展，每款都有写明要灼几秒。爪边果然几好食，口感烟靭，最钟意嘅系坑腩爪，见到肉嘅色泽都几新鲜，入口嫩滑，点埋酱汁就更开胃。汤底方面拣咗养生乌鸡汤，入面真系超足料，包括有党参、杞子、圆肉、北芪、红枣同乌鸡，滋补得来又鲜甜，打边炉之前忍唔住先饮咗两碗汤先。最后仲点咗份手工韭菜饺同五宝丸拼盘10粒！可以一次过试晒手打牛丸、虾丸、墨鱼丸、梅菜猪肉丸同陈皮鲮鱼丸，我最钟意墨鱼丸够晒弹牙，另外陈皮鲮鱼丸都几特别。