燒肉801

营业中

休息中

上星期二访呢间尖沙咀人气烧肉店，佢地主打多款烧肉套餐，价钱经济实惠，入面装修好有日本风。801盛 $198呢一个set好抵食，有大判烧黑毛和牛肩胛肉、腹前牛小排同葱盐味鸡腿肉。黑毛和牛肩胛肉一大块，油脂丰富，入口即溶，可以蘸埋温泉蛋浆。腹前牛小排重肉味，肉质细嫩。 202盐味牛舌 $78一碟有六块牛舌，爽口弹牙，烧一烧就食得，牛舌控必叫。102极上厚切牛胸腹柳 $138厚切牛胸腹柳拣咗汁烧，牛胸腹柳都好嫩滑，腌得好入味。893冷面set +$38烧肉set仲可以拣紫菜饭或者冷面，我就拣咗冷面，冷面面质好烟韧，配埋泡菜解腻一流。888杏仁豆腐 +$28最后叫咗我最爱嘅杏仁豆腐，杏仁味好浓郁，口感滑溜，大满足。