黑木亭居酒屋 (金馬倫道)

每次经过呢间餐厅已经好想食，就位于金马伦道，非常方便！今次叫咗$398嘅lunch set，包括刺身，烧物，$88以下嘅主食同埋甜品！主食嘅选择有好多，其他只需要补差价就可以食到好高质嘅丼饭！刺身方面，呢个set包咗2只法国生蚝，生蚝鲜甜新鲜，洗得好干净，加埋柠檬汁令味道升华！而另一款系薄切白身鱼刺身，total有8片，油脂分布均匀，加埋佢哋特制嘅配柚子酱，口感好丰富。烧物方面就上咗真烧蟹甲罗，个人真系好中意食呢个，蟹膏同蟹嘅份量都好多，上面仲有滑溜溜嘅鹌鹑蛋同埋蟹籽点缀，仲有青瓜解腻，而且仲有法包可以配埋一齐食真系大加分，蟹膏嘅底部仲有蜡烛加热，好贴心！主食方面，今次拣咗火焰带子海胆丼($198)同埋活鳗海鳗丼($138)，呢两个丼饭都好出色，带子加海胆呢个组合真系超高分！再加上佢哋嘅丼饭食落酸酸甜甜，胃口真系超级好，大推！另外鳗鱼都烧得好香脆，配埋烧汁嘅丼饭，每一啖都好满足！最惊喜嘅系佢哋仲有个自助吧枱可以任拎沙律、小食同面豉汤，绝对可以再黎！环境都好靓干净，入面仲有两间大房，绝对唔需要担心会嘈，好适合同朋友聚会。