後宮 (已結業)

有得边唱k边打边炉既火锅店，仲要*通宵营业*宜家夜晚要揾野食真系唔容易，好多食肆都早收而呢间火锅系*通宵营业*，有后宫唔惊夜晚尖沙咀肚饿揾唔到野食啦仲要有K唱，店铺位置系地库位置不起眼系hotel 旁边，望左一阵先见到，平日黎讲都多客见到好多客都同老板倾计，好多都系老板熟客 ！睇得出回头客多，可能人多上菜都需时等左一阵，同埋有漏单情况等得耐真系要追！酱料费$20炸蒜、生蒜、葱、芫荽、辣椒 基本火锅配料都有！海南椰子文昌鸡锅$288汤底加咗红枣杞子，感觉很养生。整只鸡上再加埋椰子水倒入锅，十分足料，滚起咗汤4分钟就食得啦，食之前记得饮番啖汤鲜甜又开胃！特级封门柳$168餐厅系以不同牛肉部位为主，有骟牯牛，牛颈脊、吊龙、封门柳、五花趾选择，选择好多，用料唔会随随便便，牛肉好嫩滑好腍！番薯蚬$88蚬渌完加埋椰子汤底，好鲜甜，蚬肉胀卜卜！二人食啱啱好，如果一大班朋友就要叫几碟先够食！西洋菜苗$58西洋菜打边炉真系会成日叫 ，营养价值丰富，屋企都会煲西洋菜猪骨汤，今次就西洋菜加椰子鸡汤，十分润肺！