南小館 (已結業)

(坐得舒服有茶叹 上海野食几好)晚上同朋友去尖沙咀揾野食，想坐得舒服啲，记得去过the one南小馆食过一次下午茶，几好食又地方宽敞，于是决定再去，呢次系平日7点钟晚饭时间，但都唔算多人唔使等位，仲有卡位坐添！两个人点左招牌鲜肉小笼包、上海菜肉云吞汤、老重庆担担面、甜品椰香红枣糕，整体黎讲都几好食，尤其系上海菜肉云吞汤，好有菜味皮又够薄，至于鲜肉小笼包都唔错，但要小心啲夹，夹大力啲就会漏汁，唔好浪费啲肉汁丫嘛！老重庆担担面热辣辣都好香浓，不过可能我地唔食得辣，觉得辣得滞而且冇辣度拣，平时出面食开嘅担担面就多啲花生味，呢度就辣啲，可能好辣嘅朋友会觉得正。最后上嘅椰香红枣糕就够清香，唔会好甜，都好好食！总结，我地唔算大胃王，只系叫左四样野食，埋单200蚊多啲，坐得舒服，又有茶饮，啲野食都几好食，下次会再去。