羲和雅苑

营业中

休息中

钟意食片皮鸭嘅人一定听过内地知名连锁品牌「羲和雅苑」嘅大名，今次我同女朋友就嚟咗呢间位于尖沙咀海港城嘅羲和雅苑食晚饭。餐厅位于海港城，交通非常方便，最正嘅系对住无敌海景，用餐环境一流！呢度片皮鸭，梗系要叫啦！店员推荐我哋两个人可以食半套，实在啱啱好！呢度嘅片皮鸭同出面传统𠮶啲好唔同，除咗有传统嘅片皮鸭酱之外，亦都会配合爆炸糖、蓝莓酱、山楂等一齐食，非常过瘾！除咗片皮鸭之外，其他食物选择亦都好多。以下系当晚我地点左嘅菜色：贝勒爷烤羊肉卖相一流，而且香气扑鼻，最啱送饭！上汤菜心每一条都好鲜嫩，汤底唔会太咸，好鲜味，绝对系健康之选！蒜泥白肉调味好惹味，而且配料十足，卖相同样好吸引。最正系有好多旧，我地两个人食差啲食唔晒呀！椰香紫米露好浓好足料，甜度啱啱好，为呢餐饭画上完美句号！