太郎居酒屋

营业中

休息中

朋友话约尖沙嘴食饭，最近又落雨，所以就去咗佢office附近嘅居酒屋食饭。居酒屋必备嘅串烧有超多种可以拣，不过因为淋完雨好冻又肚饿，所以主要都系嗌返啲淀粉质暖下胃。./寿喜烧锅/果然配乌冬食即刻暖笠笠！配料有牛肉、菇、金菇、豆腐、菜、蛋同乌冬，寿喜烧嘅必要材料都齐晒。个汤比较甜，但配乌冬/其他配料食都中和到个甜味。成个锅有好多牛肉！一路食到最后都仲有几块牛肉，所以啖啖肉咁食都无问题，好满足！./海胆炒饭/食完个寿喜烧同少少串烧，另外再嗌咗个海胆炒饭。炒饭炒得够热，又系暖胃之选。整体啲饭炒到粒粒分明，调味好够，但海胆味相对比较淡。铺系饭上面旧海胆唔错，劲贪心用咗少少捞饭就一啖食晒😆大满足。以尖沙嘴黎讲价钱合理，最重要系环境唔会好嘈，好啱倾计。约尖沙嘴食居酒屋都可以一试。