影片
更多
2024-05-18
203 浏览
尖沙嘴高质印度餐厅推介 - Anjappar Chettinad Indian Restaurant系香港要食到地道既印度菜，大家第一时间一定系念到去重庆大厦，但系其实系离重庆大厦唔系好远既路程，都有一间高质既印度餐厅 - Anjappar Chettinad Indian Restaurant，呢日CK就同网红朋友去一试 ! Anjappar Chettinad Indian Restaurant系全球十几个国家都有分店，出哂名系素食人士友善餐厅。入餐厅前已经听到轻快既印度歌曲，餐厅装潢简单得黎都充满印度风情，晚市时间黎到都唔系有好多位剩，大家想黎食既话提前预约会好D，餐厅大约可以容纳40-50人左右，座位宽敞。一坐低店员会用英文简单问下客人平时食开既口味，由于店员都系香港生活左一段时间，其实简单粤语都系可以沟通到既，因为我地睇完餐牌都未必明白上面既字眼系咩黎，查问店员都好详细咁解释同讲埋点样食系最好，好贴心同有耐性简单介绍一下我地叫左咩野食啦~1. 鸡肉棒棒糖 $80 呢个炸鸡好出色🐓又唔鞋口，炸鸡又调得好入味，虽然话系炸鸡，但唔会炸到外层炸粉劲厚身，真系好香口，有两款酱点，个人
系香港要食到地道既印度菜，大家第一时间一定系念到去重庆大厦，但系其实系离重庆大厦唔系好远既路程，都有一间高质既印度餐厅 - Anjappar Chettinad Indian Restaurant，呢日CK就同网红朋友去一试 !
Anjappar Chettinad Indian Restaurant系全球十几个国家都有分店，出哂名系素食人士友善餐厅。入餐厅前已经听到轻快既印度歌曲，餐厅装潢简单得黎都充满印度风情，晚市时间黎到都唔系有好多位剩，大家想黎食既话提前预约会好D，餐厅大约可以容纳40-50人左右，座位宽敞。
一坐低店员会用英文简单问下客人平时食开既口味，由于店员都系香港生活左一段时间，其实简单粤语都系可以沟通到既，因为我地睇完餐牌都未必明白上面既字眼系咩黎，查问店员都好详细咁解释同讲埋点样食系最好，好贴心同有耐性
简单介绍一下我地叫左咩野食啦~
1. 鸡肉棒棒糖 $80 呢个炸鸡好出色🐓又唔鞋口，炸鸡又调得好入味，虽然话系炸鸡，但唔会炸到外层炸粉劲厚身，真系好香口，有两款酱点，个人推介点红色既酸甜酱，劲开胃🥰🥰一细粒做餐前小食真系好岩 !
2. 薄荷鸡块 $140 本身见绿色一旧旧仲以为系西兰花👀🌿原来系薄荷鸡块，用左薄荷同绿辣椒腌制而成嘅鸡肉块，仲用洋葱同蔬菜炒成🧅🥬可能系因为配左大量嘅蔬菜类减低左油腻感🙌🏼
3. 牛油薄煎饼 $80 块块饼口感都好烟韧，果然烤饼都系传统印度人做嘅系最正🙆🏾♂️呢个配埋佢地个咖哩汁就真系绝配😚😚
4. 芒果印度奶昔 $40 采用乳糖、燕麦和优质蓉酿制，拥有如奶油般丝滑口感，香甜平衡恰到好处。
5. 球形饺子蕴藏红花牛奶 $60 球体外系一层厚身红花牛奶，甜度适中，咬落去似似地咬蕃仔加海绵既混合体，好特别既印度甜品 !
6. 印度大蒜烤饼 $40 印度既薄饼，系印度传统小食之一，块薄饼大到...仲大过我块面，长又长过我手臂🫣🫣🫣一大班人聚会叫呢个几岩下，撕下撕下就食晒，仲会附上4款酱汁俾你点你食💁🏻♀️不过就建议上菜后尽快食 脆身口感会好食好多
7. 黄油鸡咖哩 $120 以番茄同奶油为主🍅再加入少量嘅无骨鸡肉嘅咖哩🐥
8. 印式芝士菠菜 $90 传统印度绿咖哩主要用菠菜及芝士做成，食出黎既效果味道较清淡，但仍保留著果份芝士质感。
总结：
如果无试过食印度菜， 但想先试试自己钟唔钟意， 绝对可以黎呢间包罗万有既印度菜餐馆一试， 基本上所有印度菜色都有齐， 咖哩及面包种类都比一般餐厅多， 而且店员服务超级好， 当点左太多菜既时候， 店员会提醒你同确认你食唔食得哂， 或者点左一D比较冷门既菜式时， 都会确认口味岩唔岩你， 值得一赞！识中文既人可以好好欣赏一下餐厅既餐牌， CK觉得都系特色之一，你会觉得翻译超搞笑。
Anjappar Chettinad Indian Restaurant
地址 : 尖沙咀宝勒巷3-7A号万事昌广场2楼202号舖
订座电话 : 3428 5757
营业时间 : 星期一至日 11:00 - 23:00
MANGO LASSI
$40
34 浏览
0 赞好
0 留言
薄荷鸡块
$140
9 浏览
0 赞好
0 留言
鸡肉棒棒糖
$80
2 浏览
0 赞好
0 留言
RASAMALAI
$60
6 浏览
0 赞好
0 留言
GARLIC NAAN
$40
4 浏览
0 赞好
0 留言
牛油薄煎饼
$80
12 浏览
0 赞好
0 留言
张贴
