影片
更多
2011-12-30
103 浏览
无意间喺openrice度睇倒Le Mieux Bistro有咁多happy face，所以表妹打电话黎约肥表哥食lunch时，我就提议揾埋两位靓妈去依间私房西餐厅试下。当日公司比较忙，为悭时间，一早叫表妹订定位，重叫佢帮我叫埋食物，希望一去到就有得食，速战速决。XO果然迟到，见大厦正门咁多人排队搭「车立」，唔想屋企人等，餐厅又喺一楼，惟有顶梗上，行楼梯。餐厅门口要自己拉开，差Ｄ重以为自己入错后门添。餐厅o既长方形间隔整齐洁亮，光线充足，张櫈有层厚垫，坐得小肥好舒服。不过当日都有不满之处：1)哥仔o既服务态度：除左黑面神上身，颇不友善之外，同佢讲野时居然反应欠奉，搞到我好似同空气讲野咁，叫左餐茶都唔知佢有冇落到单？！2)因为午饭时间有限，叫哥仔尽快上我𠮶份餐，点知主菜好迟先出，我食完重要等成十分钟先有甜品食，搞到我两点先走得；唔知系厨房问题，定系哥仔冇帮我跟进啦！午市套餐只有两款，分别系$150 Set Lunch，同$290 Deluxe Lunch。我地四个人每套叫左两份大家分，计落条数，连加一可以话系每位$250，一D都唔平架。套餐提供o既食物都比我地试匀哂，大多数食材都好新鲜，
当日公司比较忙，为悭时间，一早叫表妹订定位，重叫佢帮我叫埋食物，希望一去到就有得食，速战速决。XO果然迟到，见大厦正门咁多人排队搭「车立」，唔想屋企人等，餐厅又喺一楼，惟有顶梗上，行楼梯。餐厅门口要自己拉开，差Ｄ重以为自己入错后门添。
餐厅o既长方形间隔整齐洁亮，光线充足，张櫈有层厚垫，坐得小肥好舒服。不过当日都有不满之处：
1)哥仔o既服务态度：除左黑面神上身，颇不友善之外，同佢讲野时居然反应欠奉，搞到我好似同空气讲野咁，叫左餐茶都唔知佢有冇落到单？！
2)因为午饭时间有限，叫哥仔尽快上我𠮶份餐，点知主菜好迟先出，我食完重要等成十分钟先有甜品食，搞到我两点先走得；唔知系厨房问题，定系哥仔冇帮我跟进啦！
午市套餐只有两款，分别系$150 Set Lunch，同$290 Deluxe Lunch。我地四个人每套叫左两份大家分，计落条数，连加一可以话系每位$250，一D都唔平架。套餐提供o既食物都比我地试匀哂，大多数食材都好新鲜，有一两道菜都煮得好出色，不过当中亦有效果做得麻麻o既。
Deluxe头盘之Seafood platter (Sea Whelk, Scallop Sashimi, Slow-Cooked Salmon and Angel Shrimp)：四款都非常鲜甜，厚厚o既带子刺身尤其嫩滑，三文鱼同天使虾都带爽，螺就烟烟韧韧，正！
Deluxe沙律之Seared Duck Liver with Fresh Fruit Salad：鸭肝外层煎得脆，不过睇相都知㶶左少少；咬落去，意外地入面都算几滑溜，所以估计煎o既时候用火太猛。生果沙律有甜有酸，见倒表妹对眼食到变左一条线，我就当然好礼让地比哂妈咪食啦，哈哈！
Deluxe餐汤之French Onion Soup：洋葱汤好够水，料o既份量唔会过多，幼幼o既洋葱丝半爽半腍，好有口感；面层𠮶块包就更加精彩，边脆包心腍，芝士味香浓，所有食材o既配合令整个汤变得非常细致，赞！
普通餐汤之Bellpepper Veloute with Salami：忌廉汤好够香滑，而且唔溜，感觉好似新鲜打出黎咁。用salami薄片黎调味，个汤可以同一时间又甜又咸又辣，好得意，组合好新颖。
普通意粉之Penne with Portabello Mushroom in Cream Sauce：除左卖相唔多吸引，可以话系𩠌如其名，好斋，亦好dry，味道淡得好冇character，失败！
Deluxe主菜之Slow-Cooked US Short Rib of Beef and King Prawn Gratinated with Seafood Mousseline：牛肉够粉红，我钟意，不过咬落唔够juicy，差咁少少。只酿大虾都几溜下，而且唔系好食得出任何海鲜味，个人唔系好识欣赏啰。
普通主菜之Panfried Snapper with Roasted Duck Breast：个鱼煎得香口干身，肉质嫩滑，简单地用胡椒同盐黎调味已经好好味。鸭胸够腍够软，配埋个汁食好啱XO口味。
甜品之Tiramisu with Homemade Raspberry ice-cream：Tiramisu又甜又溜，好彩份量唔多，所以重顶得住。不过唔知系咪先食tiramisu所致，个雪糕同底层o既生果酸到小肥皱哂眉。
总结：湾仔区，街市楼上舖，四道菜o既西式套餐，主菜餐汤乜都冇得拣，重要份量比较适合细食o既女士们，最低消费都要成$165，真系唔系几化算。我喺隔离街食个正中日式海胆拖罗饭餐重平过佢，似乎要我返黎帮衬Le Mieux Bistro都好有难度啰！虽然佢地都好多客，不过XO都想建议餐厅可以请一D友善少少o既服务生，同埋可以为我地依D收入唔多o既湾仔打工仔加设一份再平起码一半o既套餐。张贴
