尚湯

营业中

休息中

日式拉面要做得好，汤底很重要，黎到尚汤紧系要试返碗拉面同自家制乌冬啦。呢度只有四张小枱，老板兼厨师全程一脚踢，待应和水吧就靠一个女仔顶晒，都能变化出数十款拉面，真系唔简单！想试佢明太子手羽可惜「缺货」，唔紧要，今次就先试下照烧鸡扒先啦！鸡扒煎得香口鸡皮卜卜脆再洒上少许盐巴，仲有沙律酱伴碟，睇得出厨师颇有心机！面质友达以上汤底恋人未满。试下试下不经不觉间已经食晒，超满足！而同事的蚬肉带子乌冬和牛肉寿喜烧亦分庭抗礼，平分秋色！鲣鱼汤底有料到！最抵赞系送饮品和甜品，仲要食完野吹多阵水老板及待应都冇即刻黑面诈型，而我地亦很识趣地自动逢上现金埋单，今时今日咁嘅服务态度先似样嘛！