尚素 (已結業)

今日约咗朋友去观塘食晚餐，喺骏业街一个商场度揾嘢食，见到楼上有间食素嘅餐厅就入去试下。 晚市大约七点人数唔算好多，可以拣一个双人位坐。 两块餐牌有厨师最新推介同啲特价晚餐。我哋叫咗一个二人套餐，头盘拣咗麻辣口水素鸡同山葵白木耳沙律，汤我哋拣咗是日老火汤同红烧竹笙海素翅，主菜拣咗大厨客家豆腐煲，个饭叫咗黑松露松子仁炒饭，另外日叫咗个黑虎掌素蒸饺。 过咗五分钟山葵白木耳沙律送到，第一次食呢只白木耳，比黑木耳更厚身同埋弹牙爽口，配埋沙律酱几开胃。 之后两个汤分别送上，个是日老火汤好足料，冇落味精，个红烧竹笙海素翅配醋，味道都几夹。 跟住麻辣口水素鸡亦都送上，蝶素鸡份量都几大，味道无想像中咁辣，啲素鸡炸完之后都有肉嘅感觉。 过咗几分钟，黑虎掌素蒸饺送上，蒸饺有三只，蒸饺个size都唔细，块皮好薄，入面啲料都好juicy。 之后送上大厨客家豆腐煲，入边有五块大嘅豆腐，入面有一堆娃娃菜喺度垫底，豆腐大块结实唔易散，但食落口都好滑。 跟住系食黑松露松子仁炒饭，黑松露味好浓，入边有唔同嘅配料，食素配黑松露感觉几新鲜，而且松子仁同炒饭味道好夹。 最后个餐仲有两个甜品，我哋都叫咗阿南瓜