尚青商號 (已搬遷) 新店位置

最近呢一间位于湾仔嘅台式餐厅大热！离远已经见到长长嘅人龙，得悉佢哋嘅牛肉面好出色，可以食到满满台湾嘅味道。实在太耐冇去过旅行喇，小编决定同前面排紧队嘅三十位朋友一齐一解思念台湾之情。讲到台湾又点少得牛肉面，小编今次叫咗两款唔同汤底嘅牛肉面，分别系红烧牛肉面以及埔里花雕牛肉面（餐厅提供半筋半肉嘅选择）每个套餐都包括一杯饮品（冬瓜茶/红茶，你加钱升级至其他），以及三项小菜（油条、酸菜 、及是日小菜），小编觉得酸菜真系够晒酸香惹味好食，但系油条就偏向硬身，牙齿唔好就比较难咬。红烧牛肉面有满满嘅葱花以及牛肉，面可以拣阔身面或者幼面，汤底味道一般，但加咗自家制嘅辣椒油之后，汤底完全升级！建议点都加返少少辣椒油，成碗面香好多！（辣椒油出色）花雕牛肉面汤底有恰到好处嘅花雕酒香，于面上加上几粒杞子，整体视觉更加赏心悦目。贪食嘅小编另外嗌多咗一份甜不辣，餐厅好不吝啬地洒上大量嘅蒜粒，正啊重口味。甜不辣偏小辣，好有咬口好烟银！另，小编见到好多食客都嗌左麻辣鸭血，但系小编唔食鸭，所以就无试到（杜文泽先生寄卖的小杜鸭血亦于此店有售）听到食客们都话好香好好味，喜欢鸭血嘅朋友仔点解会钟意呢～小编满足完食，如果好挂