尚鮮海鮮料理 (已結業)

铜锣湾百乐中心，晚晚食饭都好多人，等䢂上去都用左15分钟。 呢度人山人海，又有咁多间餐厅，究竟点样拣好呢？又有打边炉、放题、炸鸡、又有各式各样嘅西餐，见到有间叫（尚鲜），个名几特别，迎合香港人追求食材原味、新鲜嘅原则。 入到去餐厅入面见到成个海鲜拼盘出晒嚟 ，有好大条鲷鱼， 刺身sashimi或者打边炉都应该好正。 餐厅老板推介咗由新鲜日本市场直送嘅秋刀鱼， 第一次食生食嘅秋刀鱼，口感同平时食嘅三文鱼吞拿鱼唔同， 鱼肉系咸咸地，有啲似沙甸鱼，当然较为出色。味道更鲜，肉质更香甜， 最紧要系可遇不可求，因为供应实在太少。 美国桶蚝 ，每只都咁肥美。 手切牛边位 ，净系牛嘅雪花已经知呢碟牛肉， 够晒好味。 店内镇店之宝嘅五味豚拼盘， 好似同猪一齐咁嘅感觉， 有猪红、猪润、猪皮同埋黑豚肉， 最紧要系新鲜运到。另外一个signature嘅系百花酿油条 ，呢度嘅百花系指虾滑， 夹埋啲油条一齐炸， 好似去酒楼饮下午茶嗌嘅煎酿三宝一样咁充满油香。好多自家制嘅菜式，用新鲜松叶蟹包嘅水饺，皮薄馅靓， 蟹肉够香。 狮子狗洛神花蜜， 比较少见，因为浸泡都要时间 。颜色好靓好红色 ，味道像红莓梳打， 好喝。