影片
更多
2021-11-15
1725 浏览
今次卒之同老友踩单车冲出市区，老远跑到嚟大屿山踩一转，晌欣澳起步，兜一兜迪士尼、迪欣湖，再沿翔东路入东涌，晌东涌食个晏之后再入机场维修区。中午嚟到东涌，大家都无咩心水食乜，嚟到「东堤湾畔」见到「香港地」，贪其落地玻璃，方便睇住泊晌对出围栏架单车啫，食嘢对我哋嚟讲都可以好求其。餐厅嘅环境几悠闲，枱櫈嘅编排唔太逼，有啲前后排嘅位更加设透明屏风，予人感觉更安心。不过，入门口时，遇到位好大只嘅阿姐啲态度就麻麻，有啲嘢想问咗先决定晌唔晌度食，佢就净喺不停重覆又重覆叫你扫描「安心出行」先（当时只喺企晌门口近收银位而已），咁如果我最终唔晌度食，咁又扫嚟做咩啫。其后，问佢攞啲冻水就黑口话无，俾咗杯超热嘅热水，摆明玩嘢。反正快手快脚食完就走，都唔同佢纠缠嘥我哋时间。除咗门口展示出是日午餐之外，落单都喺数码化，用手机落单，不过，我就觉得至少俾个餐牌方便啲客睇睇，再者，有啲上年纪嘅无智能手机，或者唔太识用手机睇餐牌嘛。餐具、餐纸、糖包……等，用个小藤篮装住，放晌枱边，无遮无掩，卫生就梗喺无咁理想。最后，我哋简单啲，都喺叫咗「常餐」（$60），定价比出面啲茶记贵。农场炒蛋、火腿、香肠、牛油厚多士（常餐）点睇，
餐厅嘅环境几悠闲，枱櫈嘅编排唔太逼，有啲前后排嘅位更加设透明屏风，予人感觉更安心。不过，入门口时，遇到位好大只嘅阿姐啲态度就麻麻，有啲嘢想问咗先决定晌唔晌度食，佢就净喺不停重覆又重覆叫你扫描「安心出行」先（当时只喺企晌门口近收银位而已），咁如果我最终唔晌度食，咁又扫嚟做咩啫。其后，问佢攞啲冻水就黑口话无，俾咗杯超热嘅热水，摆明玩嘢。
反正快手快脚食完就走，都唔同佢纠缠嘥我哋时间。除咗门口展示出是日午餐之外，落单都喺数码化，用手机落单，不过，我就觉得至少俾个餐牌方便啲客睇睇，再者，有啲上年纪嘅无智能手机，或者唔太识用手机睇餐牌嘛。
餐具、餐纸、糖包……等，用个小藤篮装住，放晌枱边，无遮无掩，卫生就梗喺无咁理想。最后，我哋简单啲，都喺叫咗「常餐」（$60），定价比出面啲茶记贵。
农场炒蛋、火腿、香肠、牛油厚多士（常餐）点睇，都唔觉得块多士厚啰，不过，啲蛋确喺炒得滑溜，好有蛋香，而火腿亦有煎过，无话白烚，食落亦唔喺啲平价货，至于香肠用上啲猪肉肠，而唔喺平价嘅鸡肉肠，算有诚意架嘢喇。
沙嗲牛肉面（常餐）老友嘅主食就要公仔面，佢就话啲沙嗲牛肉几得，除咗个沙嗲够香、够惹味之外，啲牛肉好腍滑，又好有肉香，应该喺有质素嘅货色；至于啲公仔面，OK啦，无过腍，无糊到，老友话已经可以收货！
瑞士鸡翼捞通粉（常餐）沙嗲牛不时都食，反而瑞士鸡翼少食，捞通粉都未试过。卖相好似几好，但得两只鸡翼感觉总喺觉得少咗啲，而味道确实喺唔错嘅，酸酸甜甜好入味，通粉亦煮得有啲咬口，但既然捞通粉，喺咪应该俾多少少汁呢！
热奶茶老友就可乐配沙嗲牛面，咁至够爽，而小弟都喺忠于热奶茶。奶茶嘅色泽几对办，入口茶味芳香，茶底真喺唔错，茶奶嘅比例亦啱啱好，就算称唔上丝滑，亦唔失礼。
食完都只喺抖多一阵就再出发，费事又被𠮶个阿姐黑我哋面。其实，嘢食OK，味道唔错，喺用餐嘅感觉唔好啫！
张贴
