木衛二鑄茶所 (怡和街) (已結業)

怡和街呢边多咗好多间饮品铺！我都试过晒，今次讲下木卫二！我觉得佢嘅种类比较特别！喺铜锣湾来讲，唔算好多间系奶盖茶类～ 大部份都系珍珠奶茶！但系佢就主打奶霜茶类，品种有啲唔同～门口都几靓，仲要好多俾钱方法，好利害👍🏻👍🏻睇得出老板好揼本！选择唔算太多，所以一目了然，唔会花多眼乱🙈🙈我叫咗menu推介嘅奶霜蓝伯爵👍🏻👍🏻 正常价钱，市价都系三十几🤣等紧嘅时候，发现制作过程超公开，可以喺隔离睇住点样整～ 成个过程都好卫生👍🏻饮品好大杯！拎上手就见到蓝伯爵真系做到少少蓝色效果，佢嘅奶盖都好多！大概系三分之一～ 至于味道，就有少少逊色～ 蓝伯爵本身几好饮～ 但系加咗奶霜之后就感觉有啲多得滞～饮到一半会觉得太饱太滞，好似变咗奶茶咁～ 奶霜好快就入左茶，搅埋一齐，所以去到最后真系好似饮紧奶茶咁，只系个茶底系earl grey~ 不过系几值得试一试嘅~