檳榔島敍

营业中

休息中

今日难得去咗太古城同个客开会，临走前佢介绍太古城楼下(即系鲗鱼涌)原来有好多小店，可以试试。佢介绍咗一间系马来西亚星加坡菜，一于同老婆同呀女去试吓。我哋嗌咗个二人餐由沙律食到甜品真系非常满意。沙律菜配埋少少酸酸甜甜嘅沙律汁去醒醒胃跟住就有小食，佢系可以选三款，我同太太都钟意食煎炸嘢，所以嗌咗薯条鱿鱼圈同串烧，薯条就不过不失，但鱿鱼圈炸得非常之香脆，亦都保留到鱿鱼嘅鲜甜，另外串烧真系不得不提，因为佢个沙嗲酱系有粒粒嘅花生，好有口感。到主菜啦，我哋拣咗海鲜喇沙同埋生炸鸡髀椰浆饭，海鲜喇沙𠮶个汤底非常惹味，而且非常足料，一条条嘅面底俾啲喇沙汤睇包围着，真系非常之幸福。另外生炸鸡髀椰浆饭，只鸡髀真系出乎意料之滑，配埋椰浆饭加埋佢个秘制辣汁， 十分惹野，仲有啲鱼仔干同花生碎配埋饭，真系好似去咗马来西亚咁。另外我哋嗌多个海鲜焗饭，海鲜汁又系满满包住每一粒饭，而且铺满芝士，真系好有罪恶咁，但亚女竟然成个饭清晒。最后𠮶餐系包咗个甜品系咖央多士，呢个真系犹如置身喺星加坡嘅感觉，咖央酱加埋厚厚嘅牛油配上黑麦多士，oh my god~ 食完虽然要跑番几个圈，但真系值得嘅。