唇茶 (旺角中心第一座)

营业中

休息中

之前已经听过呢间最特别系有桃胶，高纤美颜，比起常见既台式饮品既配料，好似珍珠仙草芋圆呢类，桃胶就显得又健康d又几好味，所以都试一试佢。相比附近既饮品铺头，呢间特别多人，但都系等左8分钟到就有。今次拣左六月飞雪。主要有雪梨干、南北杏等，当然有桃胶。我见佢menu入面大部分饮品都会有桃胶。由于拣左半糖，所以都唔甜，饮落似平时饮既糖水，纯粹转左用饮管既方式饮咁。入面都十分足料，雪梨同南北杏既味道好出，桃胶好有咬口。当然同台式饮品既味道同口感好唔同，间唔时转下款都唔错。我最钟意佢有大细杯拣，有时食下野又想饮下饮品，唔需要太大杯，呢个细杯份量刚好。另外都试左朋友个杯桂花乌龙，桂花味香，茶味偏浓，几好味，钟意茶香既都可以拣呢个。