影片
更多
2018-02-27
58 浏览
呢间嘢系太子站附近，落车大约行十分钟就到，都几就脚。一到步其实都唔系好觉佢系餐厅，因为佢设计都偏向于半开放式，好似欧洲盛行嘅酒吧咁。厨房同街外嘅景况都可以尽收眼中，加上枱上嘅爉烛同店内昏暗柔和嘅光线，令人有种好放松嘅感觉。我地叫左黑毛猪火腿小麦包，黑松露带子，慢煮牛腩包，蛋汁意粉，分子雪糕，焦糖炖蛋，同两杯佢推荐嘅嘢饮。每道菜上菜嘅时间好好，一份接住一份，等待时间唔长。首先黎到嘅系两杯嘢饮，我果杯系蓝莓鲜奶，我一饮就爱上左，因为佢蓝莓味同奶味调得恰到好处，口感绵滑，非常开胃，真系好好饮。跟住系火腿小麦包，佢嘅包系自家制，好脆口，同48个月嘅风干火腿不论口感同味道都好夹，分量好足，有六份，中意火腿嘅我可以一饱口福，系一道唔错嘅前菜。再来系黑松露带子，摆盘好精致，而呢道菜比较惊喜嘅系黑松露并冇抢走带子本身嘅味道，佢嘅酱比较淡口，做左一个好好嘅调和效果，带子鲜嫩，口感十分好。之后就系慢煮牛腩包，呢个系侍应推荐，亦系佢地餐厅主打之一，结果系冇令我地失望!佢个包几有咬口，牛腩好腍好入味，仲有啲油汁令个包唔干口，加上洋葱去平衡油腻嘅感觉，成个包非常高质! 之后就系主菜蛋汁意粉啦，佢个汁好cream
呢间嘢系太子站附近，落车大约行十分钟就到，都几就脚。一到步其实都唔系好觉佢系餐厅，因为佢设计都偏向于半开放式，好似欧洲盛行嘅酒吧咁。厨房同街外嘅景况都可以尽收眼中，加上枱上嘅爉烛同店内昏暗柔和嘅光线，令人有种好放松嘅感觉。
我地叫左黑毛猪火腿小麦包，黑松露带子，慢煮牛腩包，蛋汁意粉，分子雪糕，焦糖炖蛋，同两杯佢推荐嘅嘢饮。每道菜上菜嘅时间好好，一份接住一份，等待时间唔长。
首先黎到嘅系两杯嘢饮，我果杯系蓝莓鲜奶，我一饮就爱上左，因为佢蓝莓味同奶味调得恰到好处，口感绵滑，非常开胃，真系好好饮。跟住系火腿小麦包，佢嘅包系自家制，好脆口，同48个月嘅风干火腿不论口感同味道都好夹，分量好足，有六份，中意火腿嘅我可以一饱口福，系一道唔错嘅前菜。再来系黑松露带子，摆盘好精致，而呢道菜比较惊喜嘅系黑松露并冇抢走带子本身嘅味道，佢嘅酱比较淡口，做左一个好好嘅调和效果，带子鲜嫩，口感十分好。之后就系慢煮牛腩包，呢个系侍应推荐，亦系佢地餐厅主打之一，结果系冇令我地失望!佢个包几有咬口，牛腩好腍好入味，仲有啲油汁令个包唔干口，加上洋葱去平衡油腻嘅感觉，成个包非常高质! 之后就系主菜蛋汁意粉啦，佢个汁好creamy，但系唔会太杰，味道比较淡同清。意粉食得出唔系平时快餐店果只，比较粗同埋比较有咬口。整体上唔会好腻，令人好快就可以食晒成碟。食饱就食甜品啦，不得不说佢嘅甜品真系令人喜出望外，因为餐厅主打系西班牙菜，所以觉得可能甜品未必会好出彩。但系!我地叫嘅两个甜品都好好食!首先讲下我叫嘅焦糖炖蛋，焦糖衣比一般嘅厚，味道上其实同一般嘅差唔多，但系重点系佢好creamy，即使系甜品店嘅炖蛋都冇咁creamy。而分子雪糕味道好清新，同埋佢胜在配料好多，而每样配料都同个雪糕好夹，例如个海绵蛋糕。
总结黎讲，呢一餐饭我好满意!不论气氛同味道都十分不错，值得再食!
张贴
