鳴橋燒肉料理 (已結業)

今日喺油麻地做完嘢，早餐都未食，咁啱行过呢间鸣桥烧肉料理，激起咗我疯狂食肉嘅欲望午市有套餐同放题，咁当然要食放题啦原来唔单止有烧肉，仲有刺身、炸物、乌冬同甜品任食肉类有好多选择，不过我都系集中食牛肉，有牛柳粒同牛舌，叫几多俾几多，唔会姑寒净系俾少少仲有海鲜可以烧，有海虾、多春鱼、帆立贝、蒜蓉青口，不停encore多春鱼，烧到干干地好香口唔会腥用牛油纸隔住嚟烧，比较卫生，同埋虽然店员好忙，但一叫要换牛油纸都即刻嚟换，仲好好态度，抵赞虽然主要系食烧肉，但刺身质素都唔错，三文鱼同埋带子刺身最正，鲜甜肥美，但当然唔可以同高级日本料理比较啦仲有炸物天妇罗，即叫即炸热辣辣，一口蕃薯细细粒又够甜食烧肉炸物食到有啲油腻，仲有枝豆间下场，咸咸地好刷口总要有啲淀粉质落肚先够饱，一口地狱乌冬细细碗，够辣啱晒重口味嘅人最后仲有甜品任食，芝麻同绿茶雪糕、雪米糍同埋一口芝士蛋糕，甜一甜个口呢度食物选择多，上菜够快，店员服务殷勤，比坊间唔少放题好