緬甸招牌湯米線 (已結業)

先讲一入餐厅，唔好太大期望有好浓嘅缅甸色彩装潢，比较系家庭式经营感觉，朴实而选择多嘅缅甸茶记。餐牌款式除左饭面，都有中式小菜，感觉好住家。呢碗缅甸椰香鸡面，汁底够浓偏甜，但入口唔腻，鸡肉份量大概一只鸡脾。个人觉得如果个面再温热少少会更好味。家人叫嘅咖喱鸡饭未食已经有好清香嘅香茅味，香茅衬咖喱汁好开胃，啱晒唔太食辣又想食咖喱嘅朋友。最后呢碗浓鱼汤缅甸米线系终极推介，汤底混左椰汁同少酸辣，配菜有炸过嘅面筋，米线食落唔似出面食到嘅，比较幼身易入口。 由于个汤底好够味，现场见不少客人叫呢碗米线再加𩠌，有猪皮猪耳猪肚等等，似乎熟客都好识食!