Yadllie Plate 야들리애플래이트 (兆萬中心)

又想食炸鸡，又唔想净系食炸鸡想试新嘢，但又唔想过海人就系咁矛盾，尖沙咀要试嘅都几乎试过哂，最后俾我揾到间未食过又系九龙嘅试下。以为系兆万都应该系普普通通，谁不知入面格局好舒适，好靓，未食印象已经好好。利用左开饭喇订枱，一到就有位，星期一到四唔限时，最岩一班朋友聚会。Menu设计到每款菜式都好吸引，我地三个人叫左五个item。食物款色其实同其他韩国餐厅大同小异，味道都偏浓，而取胜嘅系食物质素同环境，餐厅侍应有啲系韩国人，感觉好亲切，今晚庆祝好朋友，最开心系佢地捧著蛋糕一齐唱韩文版生日歌。