木火堂 (已結業)

讲咗好嘅先。有一两样都几好食，烧蚝系全晚最好食，够大只，亦烧得刚刚好，唔会太干身，仲保留到蚝本身的水份。一口牛唔差、几有肉汁，不过唔好期望有咩特别嘅调味。蔬菜类完全不敢恭维。通常啲餐厅烧菜都系稳阵之选，将一Pat蒜蓉加啲牛油pat 落啲菜度好难唔好食。今餐点咗三个蔬菜类，完全突破我三观：烧韭菜，系三样入面最正常嘅野，虽然煮得偏生，但都仲可以食得晒成碟，捞埋啲木鱼一齐食都几有趣。烧大葱，极生，差啲咬唔烂，食到头尾果两粒，直程好似冇煮过咁，生到差啲标眼水 🙂蒜蓉烧茄子又系另一个奇迹，今晚之前我从来冇谂过原来一道听落去咁简单嘅𩠌可以整得咁难食。🙂喺全场得一枱客嘅情况之下都可以整到咁嘅质素，好想问OpenRice啲like系点样chok返嚟 🙂