海南少爺 (已結業)

我记得N年前睇过一篇报道系讲「海南少爷」呢间餐厅点样有要求去做一碟出色嘅海南鸡，连碟黑酱油都要经过千挑万选，总之就系讲到好有要求兼好有热诚去做好碟海南鸡。我睇完篇报道之后就好快去咗海运果间「海南少爷」度食，我记得当年食到妈妈声，所以只系食过一次，仲谂住佢会好快执😅。事隔咁多年，有次经过见到佢仲系度而且门口仲有啲人排队🤔心谂：「居然挨到咁多年，唔通佢啲食物好咗？！跟住开始怀疑自己，唔通系我问题？！」于是决定俾多次机会佢再嚟食⋯⋯😂我真系太天真，居然俾机会佢伏多我一次🌚。招牌海南鸡饭 - 真系好普通，唔难食，$128，味道肯定好过大家乐，咁你收唔收货？新加坡古法黑豉油鸡饭 - 味道似曾相识，就系你随便去一间烧腊舖买嘅豉油鸡啰 ～ 一样都系$128。星洲酱油参巴炒萝卜糕 - 味道系ok嘅，算好食，有啲细碟，唔知系唔系萝卜糕系先炸过，但系又唔系炸到脆，搞到啲萝卜糕啲质地怪怪哋，会黐牙。