影片
更多
2024-07-24
939 浏览
一时兴起想食豉油西餐，原来都要讲缘份，铁板上枱满满怀旧味道。套餐先上左个汤，当日中汤款式会写系电子菜单上，而西汤就指定罗宋汤。金银菜汤消暑清热，清清地无味精份量好多。罗宋汤系港式口味，有辣椒仔既调味都几开胃。转个头饮品都上埋，见呢度一页纸都系特色饮品，加左少少钱试新野。老公既杂果宾治原来系芬达汽水底，另外有一大杯冰杂果，再加利宾纳调味。大家一致觉得好抵饮，下次一杯两人share都够，唔需要再加第二杯特饮。我饮既系儿时回忆，薄荷糖浆咖啡有清凉冰感，但又唔系好假既牙膏味，如果你钟意薄荷雪糕应该都会钟意佢。标榜澳洲T骨排好似有声有势，侍应哥哥会问要三五七成熟，要边款汁，薯意饭要拣边样，仲有想佢地帮你倒汁定自己黎。服务跟足港式扒房。澳洲牛排比平时既牛油脂位牛油味浓，肉质亦松软一点，不过刚好呢一块T骨的肉都倾向西冷部位。叫五成熟真系做到，牛扒无血水中央红红地。肉扒的厚度比连锁快餐店厚好多 哈哈。黑椒汁一大碗比你，可以点薯角食，最后我仲用黎捞白饭。薯菜包含薯角同粟米萝卜粒，竟然无最讨厌的青豆㖞。薯角薄浆脆口系正既，重点系整份餐包汤同饮品只系$105。扇贝粉丝食过吧，但鱿鱼粉丝我都系第一次听，又系大
套餐先上左个汤，当日中汤款式会写系电子菜单上，而西汤就指定罗宋汤。
金银菜汤消暑清热，清清地无味精份量好多。罗宋汤系港式口味，有辣椒仔既调味都几开胃。
转个头饮品都上埋，见呢度一页纸都系特色饮品，加左少少钱试新野。
老公既杂果宾治原来系芬达汽水底，另外有一大杯冰杂果，再加利宾纳调味。大家一致觉得好抵饮，下次一杯两人share都够，唔需要再加第二杯特饮。
我饮既系儿时回忆，薄荷糖浆咖啡有清凉冰感，但又唔系好假既牙膏味，如果你钟意薄荷雪糕应该都会钟意佢。
标榜澳洲T骨排好似有声有势，侍应哥哥会问要三五七成熟，要边款汁，薯意饭要拣边样，仲有想佢地帮你倒汁定自己黎。服务跟足港式扒房。
澳洲牛排比平时既牛油脂位牛油味浓，肉质亦松软一点，不过刚好呢一块T骨的肉都倾向西冷部位。
叫五成熟真系做到，牛扒无血水中央红红地。肉扒的厚度比连锁快餐店厚好多 哈哈。
黑椒汁一大碗比你，可以点薯角食，最后我仲用黎捞白饭。
薯菜包含薯角同粟米萝卜粒，竟然无最讨厌的青豆㖞。薯角薄浆脆口系正既，重点系整份餐包汤同饮品只系$105。
扇贝粉丝食过吧，但鱿鱼粉丝我都系第一次听，又系大大份好重本。
主角唔系鱿鱼，粉丝先系重点，吸尽海水味蒜香。细食既人可以直接走白饭，因为鱿鱼本来就几饱肚，如果做家庭餐份量就刚好。
每件鱿鱼筒厚肉悉心𠝹好花纹，估计入面有十几件，不过就无鱿鱼须啦。
今时今日牛排餐做到如此低价，想起铁版餐时会再来。
张贴
