三川居酒屋 (已結業)

同朋友去踩完单车，做完运动之后梗系食返餐好嘢补充一下体力🤣。决定去食我哋都钟意食嘅日本嘢，嚟咗呢间bookmark咗好耐嘅日式居酒屋试。严选九点刺身盛我哋点咗个二人份量嘅刺身拼盘，总共有九款嘅刺身，拼盘嘅摆盘好靓好吸睛，即时心心眼，打卡一流，分量十足，睇见都好兴奋。有法国生蚝，带子，北寄贝，牡丹虾，䲞鱼，手钓池鱼，深海池鱼，深海池鱼腩同埋大拖罗。啲刺身全部都好新鲜，北寄贝爽口鲜甜，牡丹虾超大只，虾肉爽口绵密，虾头还有大量浓郁虾膏，超正。深海池鱼腩好厚身，鱼油丰富甘香，大拖罗入口即溶，大满足。明太子蟹肉酱焗蚝肉磨菇批呢个味道好有惊喜，大啡菇非常Juicy，馅料好丰富，蟹肉加上鲜甜嘅蚝肉，配以明太子同同埋咸香嘅芝士焗，味道好夹，非常滋味。嚟到居酒屋梗系要食返啲串烧先够气氛。我哋总共叫咗四款。极上和牛串一咬落去，牛嘅油脂在口腔爆发，油花重，好香，肉质稔，食粒蕃茄仔可以中和返牛嘅油腻感。酱烧鸡肉丸串免治鸡肉丸啖啖肉，食落有啲洋葱同黑椒香气，几惹味。猪腩味噌串猪腩系五花腩，层次分明，烧得好香口，味噌调味适中，唔会过咸。酱味烧墨鱼咀墨鱼咀非常爽脆，大大粒，配左啲类似柚子味嘅酱汁，有提味同埋去腥嘅效